යටිනුවර ප්රාදේශීය සභාව සඳහා ශ්රී ලංකා නිදහස් පක්ෂයෙන් තරඟ වදින අපේක්ෂකයින් දෙදෙනෙකු ඇතුළු සිව් දෙනෙකු පේරාදෙණිය පොලීසිය විසින් අද (19) අත්අඩංගුවට ගනු ලැබ ඇත.
පුද්ගලයෙකුට පහර දී මුදල් හා රන් අභරණ පැහැරගත් බව කියන සිද්ධියක් සම්බන්ධයෙන් මෙම පුද්ගලයින් සිවු දෙනා පේරාදෙණිය වතුරකුඹුර ප්රදේශයේ දී අත්අඩංගුවට ගත් බව පොලිසිය පවසයි
ප්රශ්න කිරීමෙන් පසු එක් සැකකරුවෙකු සතුව තිබී පහර කෑ පුද්ගලයාගේ මුදල් පසුම්බිය හා ජංගම දුරකතනය සොයාගෙන තිබේ.
ගෙළිඔය ප්රදේශයේ පදංචි කණිෂ්ක ගයාන් නැමැති අය පහරකෑමට ලක්ව තුවාල ලැබ මහනුවර ජාතික රෝහලට ඇතුළත් කර ඇත.
මහා පරිමාණ ගංජා ජාවරමක් පිළිබඳව පොලීසියට තොරතුරු ලබාදුන් බව කියන සිද්ධියක් මුල්කර ගනිමින් මෙම පහරදීමත් මුදල් හා රන් අභරණ පැහැර ගැනීමත් සිදුව තිබෙන බව පොලිස් පරීක්ෂණ මගින් අනාවරණය වී තිබේ.
සිද්ධිය සම්බන්ධයෙන් තවත් පුද්ගලයින් සිව් දෙනෙකු අත්අඩංගුවට ගැනීමට නියමිත බව පොලීසිය පවසයි.
මුදල් හා රන් අභරණ පැහැර නොගත් බව සැකකරුවන් පොලීසියට පවසා ඇති අතර සිද්ධිය සම්බන්ධයෙන් පේරාදෙණිය පොලීසිය වැඩිදුර විමර්ශන සිදු කරයි.
