මධ්යම අධිවේගී මාර්ගයේ රඹුක්කන – ගලගෙදර කොටස ඉදිකිරීමේ ටෙන්ඩරය සඳහා ලංසු තබා ඇති චීන සමාගමක් ජනාධිපති ගෝඨාභය රාජපක්ෂ වෙත ලිපියක් යොමු කර විශේෂ හෙළිදරව්වක් කර ඇති බව වාර්තා වේ.
Metallurgical Corporation of China (MCC) Ltd නැමති මෙම ආයතනය විසින් ජනධිපතිවරයා වෙත දන්වා ඇත්තේ මෙම මාර්ග කොටස ඉදිකිරීම පිළිබඳ තමන්ගේ මූල්ය යෝජනවා පරීක්ෂා කිරීම හෝ කර නැති බවත්, කොන්ත්රාත්තුව සඳහා ඉදිරිපත් වී සිටින, සමාලෝචනයට ලක් වූ එකම ලංසුකාර දේශීය සමාගමට වඩා තමන්ගේ මිල ගණන් රුපියල් බිලියන 164.4ක් පමණ අඩු බවත්ය.
සමාගම් දෙකම යෝජනා කර ඇති ව්යාපෘති සඳහා ඇස්තමේන්තුගත පිරිවැය සංසන්දනය කරමින් Metallurgical Corporation of China (MCC) Ltd ආයතනය මේ හෙළිදරව්ව ජනාධිපතිවරයා වෙත සිදුකර තිබේ.
එම සමාගම ජනාධිපතිවරයාගෙන් ඉල්ලා ඇත්තේ මේ පිළිබඳව සොයා බලන ලෙසත්, ව්යාපෘතිය සඳහා තම ආයතනයේ නිල කැමැත්ත පළ කිරීම ලෙස තම ලිපිය පිළිගන්නා ලෙසත්ය.
