ලලිත් චාමින්ද –
භුමිතෙල් ලිටරයක මිල රුපියල් 26කින් ඉහල දැමිම නිසා මෙරට සුළු පන්න ධිවර කාර්මිකයින්ගෙන් සියයට 70ක් පමණ ඉදිරියේ දි ධීවර රක්ෂාවෙන් ඉවත්විමේ අවදානමක් පවතින බව සමස්ත ලංකා පොදු ධීවර සම්මේලනයේ ජාතික සංවිධායක රත්න ගමගේ පවසයි.
භුමිතෙල් මිල වැඩිකිරිම සුළු පන්න ධිවර කාර්මිකයින්ට එල්ල කළ මරු පහරක් බවත් මෙම තත්වය නිසා සුළු පන්න ධිවර කර්මාන්තයෙන් සෘජුව හා වක්රව යැපෙන ලක්ෂ දහයක් පමණ වු ප්රජාව දැඩි අසරණ තත්වයට පත්ව ඇති බවද හෙතෙම පවසයි.
ගාල්ලේ අද (01) පැවති මාධ්ය හමුවකදි භුමිතෙල් මිල වැඩිකිරිම පිළිබද අදහස් දක්වමින් ජාතික සංවිධායකවරයා මෙසේ ද කිවේය.
“මෙරට මත්ස්ය අස්වැන්නෙන් වැඩි දායකත්වයක් ලබාදෙන්නේ සුළු පන්න ධිවර කාර්මිකයින්. ඔවුන් වෙරළ ආශ්රිත මුහුදු තිරයේ රැකියාව කරමින් තම දරු පවුල් නඩත්තු කිරිම සදහා දැඩි අරගලයක් කරණවා. සුළු පන්න කරන ධිවර බෝට්ටු මෙරට 35000ක්පමණ තියෙනවා. භුමිතෙල් මිල මෙතරම් ගණනකින් ඉහළ යාම සුළු පන්න ධිවර කාර්මිකයින්ට දරාගන්න බැහැ. ඉදිරියේ දි මෙම බොට්ටු වෙරළ තිරයේ ගාල්කොට තිබේවි. ධිවරයින් මුහුදු රක්ෂාවේ යන එකක් නැහැ.
සුළු පන්න ධිවර කාර්මිකයෙකුට මුහුදු රක්ෂාවේ යාම සදහා දිනකට භුමිතෙල් ලිටර් 40ක් පමණ අවශ්ය වෙනවා. භුමිතෙල් මිල වැඩිවිම නිසා සුළු පන්න ධිවර කාර්මිකයෙකුට දිනකට රුපියල් 1000ක පමණ අමතර මුදලක් දැරිමට සිදුවෙනවා. මිට අමතර රුපියල් 600ක මුදලකට තිබු ලිහිසි තෙල් ලිටරයක මිල රුපියල් 2200 දක්වා වැඩිවෙලා තියෙනවා. ඉන්ධන කෑම බිම ඇතුළු අනිකුත් වියදම් සමග සුළු පන්න ධිවර කාර්මිකයෙකුට එක් දිනකට මුහුදු රක්ෂාවේ යාම සදහා රුපියල් 35000ක පමණ මුදලක් වැයවෙනවා.
එක් මුහුදු ගමනක් සදහා මෙතරම් විශාල මුදලක් වියදම් කළත් ලැබෙන මත්ස්ය අස්වැන්න අඩු බව ධිවරයින් කියනවා. අප රජයට බලකරලා කියනවා. සුළු පන්න ධිවර කාර්මිකයින් සදහා භුමිතෙල් සහනාධාරයක් ලබාදෙන්න කියලා. එහෙම නැතිවුනොත් ධිවරයින් සමග පාරට බැහැලා දැවැන්ත විරෝධයක් ආරම්භ කරනවා..
ඉන්ධන මිල වැඩි කළත් ලංකා ඛනිජතෙල් නිතිගත සංස්ථාව ඉකුත් වර්ෂයේ (2023) පළමු මාස අට තුලදි රුපියල් බිලියන 88.6ක ශුද්ධ ලාභයක් වාර්තාකොට තියෙන බව මුදල් ආර්ථික ස්ථායිකරණ හා ජාතික ප්රතිපත්ති අමාත්යංශය විසින් නිකුත්කොට ඇති වාර්තාවක සදහන් වෙනවා.
එම වාර්තාවට අනුව 2022 වර්ෂයේ පළමු මාස අට තුල වාර්තාවු රුපියල් බිලියන 632ක් වු අලාභයට සාපේක්ෂව මෙම ශුද්ධ ලාභය වාර්තාවි තියෙනවා.
ලංකා ඛනිජතෙල් නිතිගත සංස්ථාව පසුගිය මාස අට තුළදි රුපියල් බිලියන 88 ලාබයක් ලබා තිබියදි එම වාසිය පාරිභෝගික ජනතාවට ලබානොදි ඉන්ධන මිල වැඩිකිරිම පාරිභෝගික ජනතාවට එල්ල කළ මරු පහරක්” සමස්ත ලංකා පොදු ධිවර සම්මේලනයේ ජාතික සංවිධායක රත්න ගමගේ වැඩිදුරටත් සදහන් කළේය.
