සිය නවාතැනේ දී හොඳටම බීමත් වූ ත්රීකුණාමලය නාවික හමුදා කඳවුරට අනුයුක්තව සේවය කරන නාවික හමුදා සෙබලුන් දෙදෙනෙක් අතර ඇතිවූ බහින්බස්වීමක දී එක් සෙබලෙක් විසින් අනෙක් සෙබලාට පිහියෙන් ඇන ඝාතනය කර තිබේ.
ඝාතනය වී ඇත්තේ කන්දේගෙදර මාතලේ ප්රදේශයේ පදිංචි 36 හැවිරිදි නාවික සෙබලෙකි.
ඊයේ අලුයම (08) පපු පුදේශයට එල්ල කළ ඇනුම් තුවාල සහිතව වින්දිත නාවික හමුදා සෙබලා ත්රීකුණාමලය රෝහලේ බාහිර රෝගී අංශය වෙත රැගෙන එන විටත් ඔහු මියගොස් සිටි බව රෝහල් ආරංචි මාර්ග සඳහන් කරයි.
විමර්ශනය සිදුකරන ත්රීකුණාමය වරාය පොලිසිය පවසන්නේ ත්රීකුණාමලය නාවික හමුදා කඳවුරට අනුයුක්තව සේවය කරන නාවික හමුදා සෙබලුන් සිව් දෙනෙක් එක්ව ඔවුන්ගේ නවාතැනේ දී මත් පැන් පානය කර ඇති බවත්, සිව් දෙනාගෙන් දෙදෙනෙක් කලින් එම ස්ථානයෙන් පිටව ගිය පසු අනෙක් නාවික හමුදා පුද්ගලයින් දෙදෙනා බීමතින් ඇතිකරගත් ගැටුමක් කෙළවර මෙම ඝාතනය සිද්ධ වී ඇති බවත්ය.
සිද්ධියට සම්බන්ධ සැකකාර නාවික පුද්ගලයා වරාය පොලිසිය විසින් අත් අඩංගුවට ගෙන ඇත. අත් අඩංගුවට ගෙන ඇත්තේ මාතලේ ඉඹුල්ගොල්ල ප්රදේශයේ පදිංචි 42 හැවිරිදි පුද්ගලයෙකි.
ත්රීකුණාමලය පොලිිසිය වැඩිදුර විමර්ශන සිදුකරයි.
