දඹුල්ලට පතිත වුන ධාරාණිපාත වර්ෂාව නිසා පකිස්ථාන ශ්රී ලංකා තුන්වැනි විස්සයි 20 තරගයේ අත් හැර තිබූ බලා පොරොත්තු යළි උපදවමින් පන්දු ඕවර 12 බැගින් වූ තරගයක් පැවැත්වීමට තීරණය කර තිබේ.
රාත්රී 09ට පමණ කාසියේ වාසිය උරගා බැලූ අතර කාසියේ වාසිය දිනා ගත්තේ පකිස්ථාන නායකයා විසිනි. ඔහු සුපුරුදු පරිදි පන්දු රැකීම තේරුවේය. කෙටි තරගයක් නිසා මුලින්ම පන්දු යැවීම තේරූ බව පකිස්ථාන නායක පැවසුවේය.
මෙම තරගයට පකිස්ථාන කණ්ඩායමට කවාජා නෆේ කැඳවා තිබේ. මේ ඔහුගේ මංගල විස්සයි 20 තරගය ය.
ශ්රී ලංකා කණ්ඩායම සිය වේග පන්දු යවන්නන් දෙදෙනාම වෙනස් කර තිබේ. පැතුම් නිශ්ශංක, කමිල් මිෂාර, කුසල් මෙන්ඩිස්, ධනංජය ද සිල්වා, චරිත් අසලංක, දසුන් ශානක (නායක) ජනිත් ලියනගේ, වනිඳු හසරංග, ඒෂාන් මාලිංග, මහීෂ් තීක්ෂණ, සහත මතීෂ පතිරණ කණ්ඩායමට තරග කරති. දුෂ්මන්ත චමීර සහ නුවන් තුෂාර අද තරගය ක්රීඩ කරන්නේ නැත.
ඒ අනුව තරගය රාත්රී 9.20ට ආරම්භ වීමට නියමිතය. මහා වර්ෂාව නොතකා විශාල ප්රේක්ෂක පිරිසක් මේ වනවිට දඹුල්ල ක්රීඩාංගනට එක් වී සිටිති.
