රටම ආනන්දයේ ගිල්වූ ජනප්රිය ප්රහසන රංගන ශිල්පියෙක්වන බර්ටි ගුණතිලක අභාව ප්රාප්ත විය.
කහවත්ත මූලික රෝහලේ ප්රතිකාර ලබමින් සිටිය දී අභාවප්රාප්ත වූ බර්ටි ගුණතිලක දිවි සැරියෙන් සමුගන්නා විට 97 වැනි වියෙහි පසුවිය.
80 දශකයේ ප්රහසන වේදිකාව කුල්මත් කළ බර්ටි ගුණතිලක, ඇනස්ලි ඩයස්, සැමුවෙල් රුද්රිගු ගේ විනෝද සමය තවමත් මේ රටේ රසිකයන් සිහි කරන්නේ අසීමිත මිහරකිනි. ඔවුන් ත්රිත්වය සමග මර්සි එදිරිසිංහ ද එදා ප්රහසනයේ මිහිර අමතක නොවන සේ සේ ශ්රාවක ප්රේක්ෂක ජනතාව වෙත රැගෙන ආවාය. ඔවුන්ගෙන් ජීවතුන් අතර සිටි පුරාවෘතයක් බඳු මිනිසා බර්ටිය. ඔහුත් අප හැර ගියේය.
මහනුවර ප්රදේශයේ උපත ලද බර්ටි ගුණතිලක මූලික අධ්යාපනය ලබන්නේ මහනුවර සංඝරාජ පිරිවෙනෙනි. ඔහු රාජකාරි ජීවිතය ආරම්භ කරන්නේ කුලියාපිටිය ගල්පොල විද්යාලයේ උප ගුරුවරයෙක් ලෙසය.
ඉන් පසු සිංහල බෞද්ධයා පත්රයේ සෝදු පත් බලන්නෙක් ලෙසත්, 1953 ජනතා පුවත්පතේ බෙදා හැරීමේ අංශයේත් සේවය කළ බර්ටි ගුවන් විදුලියට එක් වන්නේ වර්ෂ 1954 දී ය.
අවසන් කටයුතු පිළිබඳ පසුව දැනුම් දෙනු ඇත.
බර්ට් සැමුවෙල් ඇනස්ලි අපව මුසපත් කළ අතීත මතකයෙන් බිඳක්…
