ඇතුළු රටේ ජනතාව බැසිල් රාජපක්ෂ අන්ත දූෂිතයෙක් බව එක පැහැර හඬ ගා කියද්දී ඔහුව පාර්ලිමේන්තුවට රැගෙන ඒම සඳහා ව්යවස්ථාවත් වෙනස් කර මුදල් ඇමති දක්වා රැගෙන විත් හොරු දූෂිතයන් කැබිනට් මණ්ඩලයේ සිට ආරක්ෂා කළ විමල් වීරවංශලා අවලස්සන ඇමරිකානුවා දැක ඇත්තේ ඇමති පට්ට්ම නැතිවී පාරට වැටුණු පසුවදැයි ජාතික ජනබලවේගයේ විධායක සභික වසන්ත සමරසිංහ අසයි.
මාධ්ය සාකච්ඡාවක් අතමින් ඔහු ප්රකාශ කළේ මුදල් විශුද්ධිකරණය යටතේ ඇමරිකාවෙන් නඩු වැටෙනු ඇතැයි සිතා සියලුම ඇමරිකානු කොන්ත්රාත් කරන බැසිල් රාජපක්ෂ ගැන ඔහුගේම ආණ්ඩුවේ කැබිනට් ඇමතිවරයෙක්ව සිටි පුද්ගලයෙක් නගන චෝදනාවට ඔහු දැන් රට ඉදිරියේ පිළිතුරු දිය යුතු බවය.
ඔහුට ඇති තෝරා ගැනීම් දෙක වන ඇමරිකානු පුරවැසි භාවය හෝ ලංකාවේ මුදල් ඇමතිකම සම්බන්ධයෙන් ඔහු ගන්නා තීන්දුව මත ඔහුට එල්ල වී ඇති චෝදනාවලට ඔහුම පිළිතුරු සපයනු ඇති ඇතැයි ද වසන්ත සමරසිංහ පවසයි.
ඔහු මෙසේ ද කියයි.
“අපි දැක්කා විමල් වීරවංශ හිටපු ඇමතිවරයා කියනවා ‘බැසිල් රාජපක්ෂ මේ සියලු දේ කරන්නෙ ඇමරිකානු පුරවැසියෙක් නිසා. ඔහු ඇමරිකානු පුරවැසියෙක් ලෙස ඇමරිකාව කියන දේවල් කරනවා. ඔහු එහෙම කරන්නෙ කිසිවක් නිසා නොව. ඔහුව මනි ලොන්ඩරින් යටතේ අත්අඩංගුවට ගන්න පුලුවන්. ඇමරකාව කියන දේ නොකළොත් ඔහු අත්අඩංගුවට ගන්න පුලුවන් ඒකයි මේ වෙන්නේ‘ කියලා.
“මනි ලොන්ඩරින් යටතේ ඔහු වරද කරුවෙක් වෙනවා නම් ඔහු වංචා දූෂණ ගණනාවකට සම්බන්ධයි. ඔහු වංචා දූෂණ ගණනාවකට සම්බන්ධයි කියලා අපි කියද්දි, මේ රටේ ජනතාව කියද්දි මේ ගැන කතා නොකර ඉඳලා ඇමති පට්ට්ම ගලවලා එලියට වැටෙද්දි ද මේ ගැන කතා කරන්න මතක් වුනේ.“
“බැසිල් රාජපක්ෂ ඉලක්ක කරගෙන චෝදනා කරනවා. බැසිල් රාජපක්ෂට නෑ කැබිනට් ඇමති ධුර ඉවත් කරන්න බලයක්. තියෙන්නේ ගෝඨාභය රාජපක්ෂට. අපට තියනවා ප්රශ්නයක්. අවලස්සන ඇමරිකානුව කියන්නෙ බැසිල් රාජපක්ෂට ද. ගෝඨාභය රාජපක්ෂට ද?“
“එක පැත්තකින් මනි ලොන්ඩරින් යටතේ අත්අඩංගුවට ගන්න නිසා බැසිල් මේ වැඩේ කරනවා කියන ගමන් මේ රට විනාශය කර ගෙන යන්නෙ මේ ඉතිහාසයේ ව්යසනකාරීම තත්වයට පත් කරමින් තිබෙන මේ අවලස්සන ඇමරිකානුවා කවුද?“
“එක පැත්තකින් අවලස්සන ඇමරිකානුවා කියලා චෝදනා කරන ගමන් අනෙක් පැත්තෙන් ඒ ඇමරිකානු පුරවැසියාට පාර්ලිමේන්තුවට එන්න පනත් සම්මත කරලා ව්යවස්ථාව වෙනස් කරලා ඉඩ දුන්නෙ මේ වීරවංශලා. දැන් ඔවුන් රට ඉස්සරහට ඇවිත් අලුත් නාඩගමක් නටන්න හදනවා.“
‘හැරෙන්නෙ වෙන මොනවටත් නෙමෙයි. ආණ්ඩුව සම්බන්ධව ප්රතික්ෂේප වීම් තියනවා. බරපතල විවේචනයක් තියනවා. මේ අයම දැන් කියනවා මේ හදන්නෙ පහුගිය කාලෙ තමන්ට ඡන්දය දීපු අය වෙන තැනකට යන්න දෙන්නෙ නැතිව නවත්වා ගන්න නවාතැන්පල කියලා.“
“නවාතැන් පලේ ඉන්නේ හරිම සුපිරිසිදු සිල්වත් චරිතවත් ගුණවත් චරිත. මහජන දේපල විකුණද්දි කොල්ල කද්දි මේ අය කොතැනද ලැගලා හිටියෙ. වීරවංශ ගමන්පිල වාසුදේව නානායක්කාර ඇතුළු සියලු දෙනා කටයුතු කළේ මේ දූෂිතයන් වංචනිකයන් රකින්න. ඒ රකිමින් හිටිය කට්ටියට තමන් එළියට දැම්මම තමයි මතක් වුනේ අවලස්සන ඇමරිකානුවෙක් ගැන කියන්න.“
“ඔය අවලස්සන ඇමරිකානුවා වීරවංශ කරන චෝදනාවට පිළිතුරු දෙන්න ඕන. ඔහුට මනි ලොන්ඩරින් සම්බන්ධ චෝදනා නෑ කියලා ඔහු කිව යුතුයි…. එහෙ කියන්න නම් තෝරා ගැනීම් දෙකෙන් එකක් කරන්න වෙනවා. ඇමරිකානු පුරවැසි භාවය ද ශ්රී ලංකාවෙ මුදල් ඇමතිකම ද ඔහුගෙ තේරීම කියලා ඔහුට තීන්දු කරන්න වෙනවා.“
“ශ්රී ලංකාවේ මුදල් ඇමතිකම තෝරනවා නම් ඔහුට ඇමරිකන් පුරවැසි භාවය අත් හරින්න වෙනවා. ඇමරිකන් පුරවැසි භාවය තෝරනවා නම් ඔහු මුදල් ඇමතිකම අත්හරින්න වෙනවා.“
“අපට තියන ප්රශ්නය බැසිල් තෝරන්නේ මොකක් ද?. ඔහු ඇමරිකානු පුරවැසි භාවය තොරනවා නම් ඉන් විමල් වීරවංශ නගන චෝදනාව ඔප්පු වෙනවා. “
