සරසවි සිසුන් විසින් සංවිධානය කළ විරෝධතාවයක් විසුරුවා හැරීමට මොරටුව විශ්වවිද්යාලය ආසන්නයේදී පොලීසිය එල්ල කළ ජලප්රහාර හා කඳුළු ගෑස් ප්රහාරය දී කඳුළු ගෑස් කැණිස්ටරයක් වැදුන වෛද්ය ශිෂ්යයෙක් හිසේ ඇතිවුන තුවාල සහිතව රෝහල්ගත කර ඇතැයි ශ්රී ජයවර්ධනපුර විශ්වවිද්යාලයීය මහා ශිෂ්ය සංගමය පවසය.ි
ශ්රී ජයවර්ධනපුර විශ්වවිද්යාලයේ වෛද්ය පීඨයේ සිසුන් සායනික පුහුණුව ලබන හෝමාගම ශික්ෂණ රෝහල NSBM ආයතනයට අනියුක්ත කිරීමට කැබිනට් මණ්ඩලය ගත් මුගධ තීරණයට එරෙහිවත්, ජාතික අධ්යාපන ප්රතිපත්ති රාමුව නමින් රැගෙන පැමිණි යෝජනාවට එරෙහිවත් ශ්රී ජයවර්ධනපුර විශ්වවිද්යාලයේ දැනට පවතින මර්දනකාරී වැඩපිළිවෙළට එරෙහිව එම විශ්වවිද්යාලයේ මහා ශිෂ්ය සංගමය විසින් මෙම විරෝධතා ව්යාපාරය සංවිධානය කර තිබිණි.
විශ්වවිද්යාල භූමියෙන් ආරම්භ කර විජේරාම හංදිය බලා සාමකාමීව උද්ඝෝෂණ පාගමන ගමන්කළද, විශ්වවිද්යාලය අසල රැඳීසිටි පොලීසිය සහ කැරළි මර්දන ඒකකයේ නිලධාරීන් සිසුන්ට අමානුෂික ලෙස ජල හා කඳුළු ගෑස් ප්රහාර එල්ල කරන ලද බවත් එහිදී කඳුළු ගෑස් කැණිස්ටරයක් හිසේ වැදීම නිසා තුවාල ලැබූ වෛද්ය පීඨයේ සිසුවෙක් රෝහල් ගතකරන ලද බවත් මහා ශිෂ්ය සංගමය වැඩිදුරටත් කීවේය. 
ජල හා කඳුළු ගෑස් ප්රහාරයෙන් පසුව සිසුන් සහ ජනතාව අමතමින් වෛද්ය පීඨ ශිෂ්ය සංගමයේ සභාපති බුවනෙක සහන් , මහා ශිෂ්ය සංගමයේ භාණ්ඩාගාරික කවිඳු මධුශාන් සහ මහා ශිෂ්ය සංගමයේ සභාපති ඉසුරු ඉඳුවර පෙරේරා අදහස් දක්වමින් ප්රකාශ කළේ 1981 අධ්යාපන ධවල පත්රිකාව, උතුරු කොළඹ පෞද්ගලික වෛද්ය විද්යාලය සහ SAITM හොර උපාධි කඩය අකුලා ගැනීමට පාලකයින්ට සිදුවූවා සේම හෝමාගම ශික්ෂණ රෝහල ජපුර වෛද්ය සිසුන්ට අහිමි කිරීමට ගන්නා උත්සාහය සහ අධ්යාපනය විනාශකරන ජාතික ප්රතිපත්ති රාමුව නම් ඊනියා ලියවිල්ල හකුළාගැනීමට මෙම පාලකයින්ට සිදුවන බවය.
එතෙක් ඒ වෙනුවෙන් ශක්තිමත්ව සටන් කිරිමට ශිෂ්ය ව්යාපාරය ලෙස කටයුතු කරන බවද ඔවුහු කීහ.
