පොලිස්පතිවරයෙකු පත්කිරීමේදී ආගමික හෝ වෙනත් කිසිදු සංවිධානයක බලපෑම්වලට යටත්වීමට රජය සුදානම් නොමැති බව ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් පවසයි.
කිසිවෙකුගේ බලපෑමට නතු නොවී රජයේ තක්සේරුව මත නියමිත පරිදි අදාළ පත් කිරීම සිදුකිරීමට ඉදිරියේදී පියවර ගන්නා බව ඔහු පැවසුවේ ‘ස්ථාවර රටකට සැවොම එක මඟකට’ මැයෙන් ජනාධිපති මාධ්ය කේන්ද්රයේ සංවිධානය කර තිබූ මාධ්ය හමුවකට එක්වෙමිනි.
“රාජ්යයක් ලෙස රටේ ආරක්ෂාව වෙනුවෙන් සෑම වසරකදීම ඉදිරි වසර පහක කාලය සම්බන්ධයෙන් වූ තක්සේරු වාර්තාවක් ලබාගන්නවා. ත්රස්තවාදය, අන්තවාදය, නීතිවිරෝධී ක්රියා, භූගෝලීය දේශපාලන සහ අපරාධ මැඩ පැවැත්වීම සම්බන්ධයෙන් වූ සමස්තය මෙම තක්සේරුවේදී ආවරණය කෙරෙනවා. මෙම තක්සේරුව අනුවයි රජය ජාතික ආරක්ෂාව සම්බන්ධයෙන් ඉදිරි පියවර ගනු ලබන්නේ.”
එහිදී ප්රමිත බණ්ඩාර තෙන්නකෝන් රාජ්ය ඇමතිවරයා කීවේය.
පසුගිය සතියේ දී කොළඹ අගරදගුරු වශයෙන් මැල්කම් කාදිනල් රන්ජිත් හිමිපාණන් ජනාධිපතිවරයාට ලිඛිතව කියා සිටියේ පාස්කු ප්රහාරය නොසලකා හැරීම පිළිබඳ වගකිවයුතු පුද්ගලයින් ලෙස පාස්කු කොමිෂන් සභා වාර්තාවෙන් චෝදනා ලැබ සිටින දේශබන්දු තෙන්නකෝන් සහ නිලන්ත ජයවර්ධන ජ්යෙෂ්ඨ නියෝජ්ය පොලිස්පතිවරුන් පොලිස්පති ධූරය සඳහා නම් කරන්නේ නම් ඒ පිළිබඳව තමන්වහන්සේ ගේ කනස්සල්ල නිල වශයෙන් ප්රකාශ කරන බවය.
