ලලිත් චාමින්ද –
ලංකා පොහොර සමාගම වෙත දේශිය සැපයුම්කාර සමාගමක් විසින් සපයනු ලැබු දියර පොහොරවලින් කොටසක් කල්ඉකුත්විම නිසා පොහොර සමාගමට රුපියල් හත්කෝටි අනුහත්ලක්ෂ දාසයදහස් හයසිය පනස් දෙකක (7,97,16,652,)ක අලාභයක් විඇති බැව් ජාතික විගණන කාර්යාලය පවසයි.
ලංකා පොහොර සමාගම හා දේශිය සැපයුම්කාර සමාගමක් අතර 2017 වර්ෂයේ දී අප්රේල් මස 17 වැනි දින ඇතිකරගත් ගිවිසුමකට අනුව සපයනු ලැබු දියර පොහොර වලින් 2021 වර්ෂයේ මාර්තු මස වන විටත් රුපියල් 79,716,652,ක වටිනා කල්ඉකුත්වු පොහොර ලිටර් 1,09,408ක ( එක් ලක්ෂ නව දහස් හාරසිය අටක්) ප්රමාණයක් හුණුපිටිය ප්රධාන ගබඩාවේ ගබඩාකර ඇති බවද විගණනය මගින් අනාවරණය කොට ඇත.
මෙවැනි අලාභ ඇති නොවීමට ක්රියාකළ යුතු අතර අලාභ සිදුවීම පිළිබඳ පරික්ෂණයක් සිදුකොට තිරණයක් ගතයුතු බවද විගණනය මගින් නිර්දේශකොට ඇත.
කෙසේ වුවද මේ පිළිබඳ ලක්පොහොර සමාගමේ කළමණාකාරිත්වය විසින් විගණනයට සඳහන් කොට ඇත්තේ කල් ඉකුත් වී ඇති දියර පොහොරවල රසායනික සංයුතිය පිළිබද රසායනාගාර පරික්ෂාවක් සිදුකළ බවය.
මෙකී පොහොර තොග කල් ඉකුත්වි තිබුනද රසායනාගාර වාර්තාවන්ට අනුව ගුණාත්මක භාවය විශාල වශයෙන් අඩුවක් වි නොමැති බවද කළමණාකාරිත්වය විසින් විගණනයට සඳහන් කොට ඇත.
