පාර්ලිමේන්තුව තුළ කාලය වැය කර ඇති ආකාරය සම්බන්ධව තමන් ආඩම්රවන බව විපක්ෂ නායක සජිත් ප්රේමදාස අද පාර්ලිමේන්තුවේ දී පැවසුවේය.
ඔහු මේ බව ප්රකාශ කළේ පාර්ලිමේන්තුවේ උදෑසන කාලය තුළ හැමදාම පැයක් දෙක්ක විනාශ කරමින් සමස්ථ පාර්ලිමේන්තු න්යාය පත්රයම අවුලකට ඇද දමන බවට විපක්ෂ නායක සජිත් ප්රේමදාසට එල්ලවන විවේචන මැද ඊයේ ජාතික ජන බලවේගයේ නායක අනුර කුමාර දිසානායක විසින් එල්ල කළ ප්රබල විවේචනයට පිළිතුරු දෙමිනි.
කථානායකවරයාට එරෙහි විශ්වාසභංග යෝජනාවේ ආරම්භක කතාවට මුල පුරමින් ඔහු කීවේ 2020 ජනවාරි 18 සිට මේ දක්වා 27/2 ප්රශ්න 144ක් අසා ඇති බවය.
පාර්ලිමේන්තුවේ කාලය තමන් වෙන් කළේ පුද්ගලික අවශ්යතාවයන් වර්ධනය කරගන්නවත් ව වරප්රසාද වරදාන වැඩි කරගන්නටත් නොව ජනතා ප්රශ්න පිළිබඳව පාර්ලිමේන්තුවේ අවධානය යොමු කරලා නිද්රාශීලිව ඉන්න අය අවධිකිරීමට බවත් පොදු ජනතාවගේ ප්රශ්න කතා කිරීමට බවත් ඔහු පැවසුවේය.
ඒ සඳහා තමන් පක්ෂ නායකයෙක් ලෙස තමන් සතුව තිබු අවස්ථාව උපයෝගී කරගත් බව කී විපක්ෂ නායකවරයා තමන් පුලුවන් හැම අවස්ථාවකම පාර්ලිමේන්තුවට පැමිණි බවත්, ඒ පැමිණි සෑම අවස්ථාවකම මහජනතාවගේ ප්රශ්න ඉදිරිපත් කළ බවත්ය.
“පක්ෂ නායකයෙකුට සීමා කරලා තියනවා රැස්වන සතියකට දෙවතාවයි කියලා. පොඩ්ඩක් ගණන් හදලා බලන්න පක්ෂ නායකයෝ කී දෙනෙක් මේ රටේ ජනතාවගේ ප්රශ්න පාර්ලිමේන්තුවට ඉදිරිපත් කරලා තියනව ද කියලා. මම ලෝකය වටේ රවුම් ගහන්න ගියෙ නෑ. මම මගේ පුද්ගලික සුඛ විහරණය උදෙසා නිවාඩු ගමන් විනෝද චාරිකා ගියෙ නෑ. ජනතා ප්රශ්න ඉදිරිපත් කළේ. “
ඒ නිසා මම ආඩම්බර වෙනවා ඒ ගැන ආඩම්බර වෙනවා. මා 27/2 ප්රශ්න 144ක් පාර්ලිමේන්තුවට ඉදිරිපත් කරලා තියනවා. ඊයේ දවස එක එක්කෙනා කියමින් ගියා පැය ගණන්ක පාර්ලිමේන්තුවෙ කාලය මිඩංගු කළා කියලා. කවුරු වෙනුවෙන් ද?
මම වෙනුවෙන්ද මගේ පවුලේ සාමාජිකයින් වෙනුවෙන් ද. මේ රටේ ලක්ෂ 220ක් ජනතාව වෙනුවෙන්.
අනතුරුව එස්.ඩබ්ලියු.ආර්.ඩී බණ්ඩාරනායක විසින් 1931 ජුලි 28 වැනි දා සිදුකළ රාජ්ය මන්ත්රණ සභාවේ පළමු කතාව උපුටා දක්වමින් විපක්ෂ නායකවරයා කීවේ මහජන නියෝජිතයන් ලෙස තමන්ගේ කාර්ය භාර්ය කුමක්දැයි නොතේරෙනවා නම් එය තේරුම් ගැනීමට ප්රමාණවත් සාක්ෂරතාවයක් නැතිනම් හිටපු නායකයෙක්වන එස්.ඩබ්ලියු.ආර්.ඩී. බණ්ඩාරනායකගෙන් ඉගෙන ගන්නා ලෙස ආරාධනා කරන බවය. නොදැනුවත් කමින් නූගත්කමින් මේ සභාවේ වහසි බස් නොදොඩන ලෙසත් ඔහු තමන් විවේචනය කරන කණ්ඩායමෙන් ඉල්ලා සිටියේය.
කෙසේ වෙත්ත විදේශ ඇමති ජනාධිපති නීතිඥ අලි සබ්රි සිය කතාවේදී ප්රකාශ කළේ පාර්ලිමේන්තුවේ සිටිනා නියෝජිතවරුන් 225 දෙනාම ජනතාවගේ ප්රශ්න මිස තමන්ගේ ගෙවල්වල ප්රශ්න පාර්ලිමේන්තුවේ දී කතා නොකරන බවය.
එබැවින් සමස්ථයගේ කාලයෙන් සියයට 30ක් පමණ වැය කරමින් විපක්ෂ නායකවරයා කරන ක්රියාව පාලනය කිරීමට කථානායකවරයාට නොහැකි වු බවත් මේ පවතින ක්රියාවලිය වෙනස් කිරීමට මැදිහත්ව කාල කළමනාකරණයට නියෝජ්ය කතානායවරයා පැසසිය යුතු උත්සාහයක් දරන බවත් පැවසුවේය.
