ක්රිකට් පාලක මණ්ඩලයේ නිලවරණයේදී සිදුවූවාක් මෙන් පාසල් ක්රිකට් සංගමයේ නිලවරණයද මෙවර උණුසුම් මුහුණුවරක් ගනු ඇතැයි අපේක්ෂා කෙරේ.
මෙවර පාසල් ක්රිකට් සංගම් නිලවරණය හෙට (22) පැවැත්වීමට නියමිත අතර වෙනදා නොවන ආකාරයට මෙවර කණ්ඩායම් දෙකක් ලෙස තරග වැදීම කැපී පෙනේ.
සභාපති ධූරය සඳහා දෙපාර්ශ්වය නියෝජනය කරමින් ඉසිපතන විද්යාලයේ විදුහල්පති ඔෂාර පණ්ඩිතරත්නත් කුලරතන විද්යාලයේ විදුහල්පති ජගත් සේනාරත්නත් තරග වදිති.
සිව් වසරක් ප්රධාන තනතුරු වන සභාපති හා ලේකම් ධූර ඉසිලූ රාජකීය විදුහල්පති වාත්තුහේවා හා ලේකම් ධූරය ඉසිලූ කමල් ඉන්ද්රජිත් ඔවුන්ට එම තනතුරු වලටම නැවත තරග වැදිය නොහැකි නිසා මෙවර ඔෂාර පණ්ඩිතරත්න පාර්ශ්වයෙන් උප සභාපති හා උප ලේකම් තනතුරු වලට තරග වැදීමද විශේෂ සිද්ධියකි.
මේ හිටපු නිලධාරීන් තනතුරු ලෝභයෙන් පහසුවෙන් විධායක කමිටුව හැර යාමට ඇති අකැමැත්ත නිසා නැවත තරග වදින බව පාසල් නියෝජිතයෝ පවසති.
මේ වන විට දෙපාර්ශ්වයම නිලවරණය සඳහා කඳවුරු බැඳ ගෙන කටයුතු කරන බව ලංකාසරට වාර්තා වේ.
