කොටුව ලෝක වෙළඳ සංකීර්ණයේ සුපිරි කාර්යාලයක් පවත්වාගෙන යමින් තිකෝ ගෘෘප් නමින් සමූහ ව්යාපාරයක් පවත්වාගෙන යන බව පෙන්වා රුපියල් කෝටි ගණනින් වංචාකළ තිළිණි ප්රියමාලි නැමැති කාන්තාව ලඟ වැඩි වශයෙන් මුදල් ආයෝජනය කර ඇත්තේ කළු සල්ලි සුදු කරගැනීමට උත්සාහ කළ පුද්ගලයින් බවට විමර්ශන අංශ වෙත සැක පහළ වී තිබේ.
එක්තරා දේශපාලකයෙක් විසින් මෙම කාන්තාව ලඟ රුපියල් කෝටි 80ක් ආයෝජනය කර ඇති බව හෙළිවන නමුත් ඔහු ඉදිරිපත් වී ඇත්තේ කෝටි 10ක ආයෝජන වත්කම් සඳහා පමණක් බව ද විමර්ශන අංශ වාර්තා කර ඇත.
මේ තත්ත්වය තුළ ඇතැම් පුද්ගලයින් ආයෝජනය කළ වත්කම් සඳහා ඉදිරිපත් නොවීමත් වංචාවට ලක් වූ වත්කම්වල ප්රමාණය අවප්රමාණ කර පෙන්වීමත් සිදුවන බව විමර්ශකයින්ට පෙනී ගොස් ඇත.
දැනට අනාවරණය වන ආකාරයට මෙම කාන්තාව වංචාකළ මුළු මුදල කෝටි සියයකට අධික බව පෙනී ගොස් තිබේ.
තවද ඇය පොලිස් අත්අඩංගුවට පත් වූ මුල්ම අවස්ථාවත් මෙය නොවෙන බව ද පොලිසිය කියයි. ඇය මුදල් වංචාවක් සඳහා වර්ෂ 2017 දී පොලිිස් අත්අඩංගුවට පත්ව ඇත. එමෙන්ම 2018 දී කුරුඳුවත්ත පොලිසිය විසින් ඇය අත්අඩංගුවට ගෙන තිබේ. මේ වසරේ හයවැනි මාසයේ දීත් මේ තැනැත්තිය මිරිහාන පොලිසියෙන් අත්අඩංගුවට ගෙන ඇත.
මැණික් හා ස්වර්ණාභරණ ව්යාපාරයක්, චිත්රපට නිශ්පාදන සමාගමක්, ඉදිකිරීම් සමාගමක්, තෙල් ආනයනය කරන සමාගමක් ඇයගේ ව්යාපාර සමූහය යටතේ ලියාපදිංචි කර ඇති අතර යහමින් මුදල් ගැවසෙන පුද්ගලයින් ඉතාම සූක්ෂම ලෙස සිය ග්රහණයට ගැනීමේ සුවිශේෂී හැකියාවක් මෙම කාන්තාවට තිබී ඇති බව පොලිසිය කියයි.
ඊයේ (06) අත්අඩංගුවට පත් තිළිණි ප්රියමාලි ලබන 19 දක්වා රක්ෂිත බන්ධනාගාරගත කර ඇත.
