කොළඹ කොටුව ක්රිෂ් මිශ්ර සංවර්ධන ව්යාපෘතියේ ප්රධාන විධායක නිලධාරිනි ජානකි සිරිවර්ධන අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබ ඇත.
දැනට රක්ෂිත බන්ධනාගාරගත ව සිටින තිලිණි ප්රියමාලි නැමති විසින් සිදු කරන ලද බව කියන රුපියල් බිලියන ගණනක මූල්ය වංචාවලට ඇය සම්බන්ධ බවට පවතින චෝදනා මත මෙසේ ඇය අත්අඩංගුවට ගෙන තිබේ.
මේ වනවිට කොළඹ ක්රියාත්මක වන මුල් පෙළේ ආයෝජන ව්යාපෘතියක් වන “ද වන් ව්යාපෘතියේ ව්යාපෘති කළමනාකාරිණිය වශයෙන්ද කටයුතු කරන ජානකි සිරිවර්ධන ඉහළ පෙළේ පුද්ගලයන් සමඟ සමීප සම්බන්ධතා පවත්වාගෙන ගිය කාන්තවකි.
මෙම වංචාවට හසුවූ හිටපු ආණ්ඩුකාරවරයෙකු වන අසාත් සාලි ඇතුළු ආයෝජකයන් කිහිප දෙනකුම ඔවුන් තිළිණි ප්රියමාලි නැමැති කාන්තාව හඳුනා ගත්තේ ජානකි සිරිවර්ධන නිසා බවත් ඇය මෙම ආයෝජන සඳහා පෙලඹවීම් සිදු කළ බවටත් අපරාධ පරීක්ෂණ දෙපාර්තමේන්තුවට ලබා දුන් ප්රකාශවල සඳහන් කර ඇති බව පැවසෙන අතර මේ හේතුව නිසා අවස්ථා කිහිපයකදීම ජානකි සිරිවර්ධන කැඳවා ප්රකාශ සටහන් කර ගැනීමට අපරාධ පරීක්ෂණ දෙපාර්තමේන්තුව කටයුතු කර ඇත.
මේ වනවිට අත්අඩංගුවේ පසුවන ඇයගෙන් ප්රකාශ සටහන් කර ගැනෙන අතර ඇයද අධිකරණයට ඉදිරිපත් කිරීමට නියමිතය.
ජානකී සිරිවර්ධනගේ රෙකමදාරුව මත ප්රියමාලි ලඟ මුදල් තැන්පත් කළ ව්යාපාරිකයෙකුගෙන් පැමිණිල්ලක්!
