සූරියවැව නුවන් ජයසේකර –
බෙලිඅත්ත මහහීල්ල ප්රදේශයේ ප්රජා ජල මූල ව්යාපෘතියකට අයත් යකඩ බට තොගයක් රහසිගතව මාලඹේ ප්රදේශයේ ආයතනයකට අලෙවි කිරීමේ චෝදනා මත බෙලිඅත්ත ප්රාදේශීය සභාවේ සභාපති වරයා හා ඔහුගේ වැඩිමහල් සොහොයුරා අද (29) පස්වරුවේ බෙලිඅත්ත පොලිසිය මගින් අත්අඩංගුවට ගෙන තිබේ.
මෙලෙස අත්අඩංගුට ගෙන ඇත්තේ බෙලිඅත්ත ප්රාදේශීය සභාවේ සභාපති (ශ්රි ලංකා පොදුජන පෙරමුණ) සිරිල් මුණසිංහ සහ ඔහුගේ වැඩිමහල් සොහොයුරා වන පියදාස මුණසිංහ නැමති අයයි.
අදාල ප්රජා ජල ව්යාපෘතියේ සභාපති වරයා ලෙස කටයුතු කර ඇත්තේද ප්රාදේශීය සභාවේ සභාපති සිරිල් මුණසිංහ බව සිදුකල මුලික පොලිස් පරික්ෂණ වලදි අනාවරණය වි ඇත.
බෙලිඅත්ත මහහීල්ල නැගෙනහිර ප්රජා ජලමූල පැරකුම් සමිතියට අයත් අගල් දෙක ප්රමාණයේ ජී.අයි. බට 19ක ප්රමාණයක් අදාල ව්යාපෘතියෙන් පසු සභාපති වරයාගේ වැඩිමහල් සහෝදරයාගේ නිවසේ ගබඩා කර තබා තිබේ.
එම එක් බටයක් අදාල ජල ව්යාපෘතිය සදහා රැගෙනවිත් ඇත්තේ රුපියල් 22000ක මුදලකටය. සභාපති වරයා විසින් මෙම ඉතිරි බට තොගය හොර රහසේ මාලඹේ පිහිටි ආයතනයක් සදහා එක් බටයක් රුපියල් 15000ක් බැගින් අළෙවි කර තිබේ.
පසුව බට මිලදි ගත් අදාල ආයතනයේ සේවකයන් පිරිසක් 28 වන දින රාත්රි බට ටික රැගෙන යාමට පැමිණ තිබේ. එහිදි එම පිරිස බට ටික ගබඩා කර තිබූ සභාපති වරයාගේ වැඩිමහල් සහෝදරයාගේ නිවසට ගොස් එම බට රැගෙන යාමට පහසු වන පරිදි කපමින් සිටියදී ප්රදේශයේ වෙනත් පුද්ගලයෙකු විසින් 119 පොලිස් හදිසි ඇමතුම් අංකයට කතා කර දැනුම් දී තිබේ.
ඒ අනුව බෙලිඅත්ත පොලිසියේ නිළධාරීන් කණ්ඩායමක් එහි ගොස් අදාල පිරිසගෙන් මේ සම්බන්ධයෙන් විමසා අදාල බට තොගය පොලිස් බාරයට ගෙන 29 වන දින පොලිසියට පැමිණෙන ලෙස දන්වා ඇත.
ඒ අනුව සභාපති වරයා ඇතුළු පිරිස අද (29) බෙලිඅත්ත පොලිසියට ගොස් ඇති අතර එහිදී සිදුකල මුලික විමර්ෂණ වලින් පසු සිද්ධියට අදාලව සැකකාර සභාපති වරයා හා ඔහුගේ වැඩිමහල් සොහොයුරා අත්අඩංගුවට ගෙන තිබේ.
අත්අඩංගුවට පත් සැකකරුවන් දෙදෙනා තංගල්ල මහේස්ත්රාත් අධිකරණයට ඉදිරිපත් කිරිමට නියමිතය.
සිද්ධිය සම්බන්ධයෙන් දකුණු පළාත් භාර ජෙඨෂ්ඨ නියෝජ්ය පොලිස්පති අජිත් රෝහහණ, තංගල්ල කොට්ඨාශභාර ජ්යෙෂ්ඨ පොලිස් අධිකාරී සිසිර පෙත්තතන්ත්රි ගේ උපදෙස් පරිදි බෙලිඅත්ත පොලිසිය වැඩිදුර විමර්ශන පවත්වයි.
