ශ්රියානි විජේසිංහ –
රිජ්වේ ආර්යා ළමා රෝහල තුල අත්යවශ්ය ඖෂධ වර්ග 70ට අධික සංඛ්යාවක් සහ ශල්ය ද්රව්ය 25කට අදික සංඛ්යාවක හිඟයක් පවතින බව රොහල් ආරංචි මාර්ග සඳහන් කරයි.
මේ හිඟ වු ඖෂධයන් සහ ශල්ය ද්රව්ය කවදා ලැබෙන්නේද යන්න පිලිබඳව මේ වන විටත් කිව නොහැකි බව ලංකාසර කළ විමසුමකදී රෝහල් ප්රකාශකයෙක් සඳහන් කළේය.
රෝහල තුළ නොමැති ඖෂධ වෙනුවට භාවිත කළ හැකි විකල්ප ඖෂධයන් තෝරාගෙන මේ වන විට දරුවන්ට ප්රතිකාර කිරීම විශේෂඥ වෛද්යවරු සිදුකළද ඇතැම් අවස්ථාවන් වලදී එවැනි ක්රමවේදයන් භාවිත කළ නොහැකි යැයිද හෙතෙම පැවසීය.
කෙසේ නමුත් මාස ගණනාවක සිට පරිත්යාගශීලීන්ගෙන් ලැබෙන පරිත්යාගයන් මත යැපෙමින් රෝගී සත්කාර සේවාව පවත්වාගෙන ගියද දිනකට පරිත්යාග තුන හතරක් ලැබුණු අද වන විට එම පරිත්යාගයන් සතියකට හෝ මාසයකට එකක් දක්වා අඩුව ඇතැයිද ඔහු පැවසුවේ.
මේ අතර කනිෂ්ඨ කාර්ය මණ්ඩලයේ ගිඟය රෝහල තුල උග්රව පවතිව බවත් දෛනිකව 800ක් සිටිය යුතු ස්ථානයේ දැන් සිටිනුයේ 600ක පිරිසක් බවත් පෙන්වා දෙන ප්රකාශකයා විශ්රාම යන විශේෂඥ වෛද්යවරුන්ගේ සංඛ්යාව සහ විදේශගතවන වෛද්යවරුන්ගේ ප්රමාණය මේ වසර අවසානයේ සිට නොසිතු ලෙස ඉහල යාම හේතුවෙන් රිජ්වේ රෝහලේ රෝගීසත්කාර සේවාවන් ක්රමයෙන් අඩාල විම නතර කළ නොහැකි බව පෙන්වා දෙයි.
