සූරියවැව නුවන් ජයසේකර –
රුසියාවේ මොස්කව් නුවර සිට ගුවන් මගින් 398 දෙනෙකු රැගත් රුසියානු Red Wingsගුවන් යානයක් රුසියාවේ මොස්කව් නුවර සිට අද (29) පෙරවරු 9.42ට මත්තල රාජපක්ෂ ජාත්යන්තර ගුවන් තොටුපොලට පැමිණියේය.
අද දින සිට අඛණ්ඩව මෙම ගුවන් සේවය සතියකට දෙවරක් මත්තල ගුවන් තොටුපොලට පැමිණීමට නියමිත බව සිවිල් ගුවන් සේවා අධිකාරීයේ සභාපති උපුල් ධර්මදාස පැවසීය.
අද දිනයේ මත්තල ගුවන් තොටුපොලට පැමිණි සංචාරකයින් පිරිස පිළීගැනිම සදහා විශේෂ කෙටි උත්සවයක්ද ගුවන්තොටු පොල පරිශ්රයේ සංවිධානය කර තිබුණි.
එමෙන්ම පැමිණී සංචාරකයන් සදහා ශ්රි ලංකා තේ මණ්ඩලය විසින් නොමිලයේ ඇසුරුම් කරන ලද තේ බෑග් පරිත්යාගයක්ද සිදුකෙරුණි.
මෙහිදී Red Wings ගුවන් සේවයේ නියෝජ්ය වාණිජ අධ්යක්ෂ මරීනා බුසිනා මෙලෙස පැවසුවාය.
“ඔබ විසින් අපව අද උණුසුම්ව පිළිගත්තා. මුලින්ම මම ඒකට ස්තුතිවන්ත වෙනවා. නැවතත් අපගේ ගුවන් ගමන් මත්තලට පැමිණීමට ලැබිම සතුටට කාරණයක්. ලංකාව හා රුසියාව අතර පවතින සබදතාවය මේ තුළින් තවත් ශක්තිමත් වුණා. ඉදිරියේදි සතියකට දෙවරක් අපි අපේ ගුවන් සේවය මත්තලට පියාසර කිරිමට බලාපොරොත්තු වෙනවා. “රතු පියාපත්“ සහිත ගුවන් යානයක් මත්තල ගුවන් තොටුපොලේ සිට දැකීමට ලැබීම ප්රීතියට කරුණක් යැයි ඇය වැඩිදුරටත් පැවසුවාය.
“රුසියාවේ සිට පැමිණෙන සංචාරකයින්ට දිවයිනේ ඔවුන් කැමති සංචාරක ගමනාන්ත වෙත ප්රවේශ වීමේ පහසුකම් සළසා තිබෙනවා. වනජීවී උද්යාන, වෙරළ තීරයන් සහ සංස්කෘතික හා ආගමික ස්ථාන පහසුවෙන් නැරඹීමට සංචාරකයන්ට ලගාවිය හැකි ආකර්ශනීය ගුවන් තොටුපළක් බවට මත්තල ගුවන් තොටුපොල පත් කිරීමට කටයුතු කරනවා…“
සීමාසහිත ගුවන්තොටුපළ සහ ගුවන් සේවා (ශ්රී ලංකා) (පුද්ගලික) සමාගමේ සභාපති මේජර් ජෙනරාල් ජී ඒ චන්ද්රසිරි පැවසීය.
