මනම්පිටිය නිමල් ජයරත්න –
දික්කසාද නඩුවක් කාන්තාවකට වාසිදායක අන්දමින් තීන්දුව දීමට රුපියල් ලක්ෂයක අල්ලසක් ගත් කදුරුවෙල ක්වාසි අධිකරණයේ විනිසුරුවරයා සහ ලිපිකරුවෙකු අල්ලස් කොමිසමේ නිලධාරීන් විසින් අද 04 වෙනිදා අත්අඩංගුවට ගෙන තිබේ.
අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් සඳහන් කළේ දික්කසාද නඩුවක් සම්බන්ධයෙන් කාන්තාවට වාසිදායක ලෙස තීන්දුව ලබාදීම සඳහා මෙම අල්ලස් මුදල ඉල්ලා ඇති බවය.
සැකකරුවන් දෙදෙනා අත්අඩංගුවට ගෙන ඇත්තේ කදුරුවෙල කාර්යාල පරිශ්රයේදීය.
අත්අඩංගුවට ගත් සැකකරුවන් දෙදෙනා අද ( 04) සවස පොලොන්නරුව මහෙස්ත්රාත් අධිකරණය වෙත ඉදිරිපත් කිරීමට නියමිතව සිටින බව අල්ලස් හා දූෂණ විමර්ශන කොමිෂන් සභාවේ නිලධාරියෙකු අප කළ විමසීමේදී සඳහන් කළේය.
