ත්රස්තවාදය වැළැක්වීමේ පණත මුලුමනින්ම අහෝසි කරන්නැයි ශ්රී ලංකා මානව හිමිකම් කොමිෂන් සභාව රජයට දැනුම් දී තිබේ.
ත්රස්තවාදය යන්නට නව අර්ථකථනයක් ඇතුළත් කර ඊට අදාළ චෝදනා දණ්ඩ නීති සංග්රහයට ඇතුළත් කළ යුතු බව කොමිසම පෙන්වා දෙයි.
2022 වසර සඳහා මානව හිමිකම් කොමිසමේ මාර්ග සැළැස්ම සම්බන්ධයෙන් මෑතකදී විදේශීය රාජ්ය තාන්ත්රිකයන් දැනුවත් කර ඇති අතර එහිදීද මේ සම්බන්ධයෙන් අවධානය යොමුකර ඇතැයි මානව හිමිකම් කොමිසම නිකුත් කල නිවේදනයක සඳහන් කර ඇත.
ත්රස්තවාදය වැළැක්වීමේ පණත යටතේ පුද්ගලයෙකු රඳවා ගත හැකි කාල සීමාව ව්යවස්ථාවට පටහැණි බව ද එහි පෙන්වා දී තිබේ.
සිදුකෙරෙමින් පවතින විමර්ශනයක් මත පදනම්ව කිසියම් අයෙකුට දඩුවම් නියම කල නොහැකි බව කොමිසම අවධාරණ්ය කරයි.
තමන් යෝජනා කරන සංශෝධන සඳහා දණ්ඩ නීති සංග්රහය – අපරාධ නඩු විධිවිධාන පණත – අධිකරණ පණත සහ ඇප පණත සංශෝධනය විය යුතු බවත් ශ්රී ලංකා මානව හිමිකම් කොමිෂන් සභාව රජයට දන්වා තිබේ.
NewsRadio
