සමන් මල්ලවආරච්චි –
-
පොරොන්දු ගොඩයි… පන්සලේ භූමිය මැන නිරවුල් කර දීමටත් එතෙක් කිසිම ඉදිකිරිමක් ඉවත් නොකිරීමටත් ආණ්ඩුවෙන් ප්රතිඥාවක්….
ත්රී කුණාමලය ශ්රී සම්බුද්ධජයන්ති බෝධි රාජ විහාරයට ඇතුළු පොලිසිය විසින් රැගෙන ගිය බුද්ධ ප්රතිමාව අද පොලිසිය විසින්ම නැවත පන්සල වෙත වැඩම කරවනු ලැබීමත් සමග ත්රී කුණාමලය බුද්ධ ප්රතිමා සිද්ධිය නිමාවට පත් වූයේය.
ප්රතිමා වහන්සේ වැඩම කරවනු ලැබුවේ හේවිසි බෙර සහිත ශබ්ද පූජාවක් ද සහිතවය. මේ දැක්වෙන්නේ ප්රතිමාවහන්සේ වැඩම කළ ආකාරය ය.
එමෙන්ම අද පොලිසිය පරිපාලන අංශ සහ මහා සංඝයා අතර ඇති වු සාකච්ඡාවකින් අනතුරුව පූජා භූමි ඔප්පුවට අදාල මෙතෙක් නිශ්චිතව වෙන් නොවුන පර්චස් හතලිහක ඉඩම මැන සලකුණු කර වෙන් කිරීමටත්, එම සැලැස්ම අනුමත කර දීමටත්, ඒ කාර්ය සිදුවන තුරු කිසිම ඉදිකිරීමක් ඉවත් නොකිරීමටත් දේශපාලන අධිකාරිය සංඝයා වහන්සේ වෙත සහතික වී තිබේ.
ඊයේ රාත්රියේ මෙම ප්රතිමාවහන්සේ පොලිසිය විසින් රැගෙන යන්නේ කම්බි වැට කපා ඇතුළු වී බලහත්කාරයෙනි. එහිදී බුද්ධ ප්රතිමාවහන්සේ වෙත ඔසවා තිබූ මුතු කුඩය කඩා දමන අතර පොලිසියෙන් බුදු පිළිමය රැක ගන්නට උත්සාහ කරන හිමිවරුන්ට පහර දෙන ආකාරය ද කැමරාවල සටහන්ව තිබිණි. මේ ප්රතිමාවහන්සේ පැහැර ගෙන ගිය ආකාරය ය.
කෙසේ වෙතත් අද ( 17) අද උදේ පාර්ලිමේන්තුව අමතමින් පාර්ලිමේන්තුව වෙත විශේෂ පැහැදිලි කිරීමක් කළ පොලිසිය භාර අමාත්ය ආනන්ද විජේපාල පැවසුවේ මෙම බුද්ධ ප්රතිමාවහන්සේ ඊයේ උදෑසන තැන්පත් කිරීමෙන් අනතුරුව එම ප්රතිමාවහන්සේට ප්රහාරයක් එල්ල කිරීමට වූ සැලසුමක් සම්බන්ධව බුද්ධි තොරතුරු පොලිසිය ලැබුණ බැවින් පොලිසිය විසින් එම ස්ථානයෙන් ප්රතිමාවහන්සේ රැගෙන ගිය බවය.
කෙසේ වෙතත් ඇමතිවරයා පාර්ලිමේන්තුවට කීවේ අද දිනය තුළ ප්රතිමාවහන්සේ නැවත එම ස්ථානයටම වැඩමවා ආරක්ෂාව තර කරන බවය.
ප්රතිමාවහන්සේ වැඩම කරවා ත්රී කුණාමලයේ වැඩ වාසය කරන සංඝයාවහන්සේ අභිමුව පැහැදිලි කිරීමක් කළ නායක හාමුදුරුවන්වහන්සේ ප්රකාශ කළේ ප්රශ්නය දැන් විසඳා ඇති බවය.
