රන්ජන් කටුගම්පොළ –
ත්රස්ත විරෝධී පනත් කෙටුම්පත නීත්යානුකූලව සභාගත වී නොමැති බව නීතිපතිවරයා ශ්රේෂ්ඨාධිකරණය දැනුම් දුන්නේය.
නීතිපති වෙනුවෙන් පෙනී සිටි අතිරේක සොලිසිටර් ජෙනරාල් නෙරින්පුල්ලේ මේ බව දැනුම් දුන්නේ ජාතික ජන බලවේගයේ පාර්ලිමේන්තු මන්ත්රී ආචාර්ය හරිනි අමරසූරිය විසින් ගොනු කොට තිබූ පෙත්සමක් ශ්රේෂ්ඨාධිකරණය හමුවේ සලකා බැලූ අවස්ථාවේදීය.
මෙම පෙත්සම අගවිනිසුරු ජයන්ත ජයසූරිය, මෘර්දු ප්රනාන්දු සහ අර්ජුන ඔබේසේකරගෙන් සමන්විත ශ්රේෂ්ඨාධිකරණ විනිසුරු මඩුල්ලක් හමුවේ සලකා බැලිණි.
නීතිපති වෙනුවෙන් පෙනී සිටි අතිරේක සොලිසිටර් ජනරාල් ජනාධිපති නීතිඥ නෙරීන්පුල්ලේ කියා සිටියේ කෙටුම්පත නිසියාකාරයෙන් සභාගත කර නොමැති බව වැඩ බලන පාර්ලිමේන්තු මහලේකම්වරයා තමන්ට දැනුම් දී ඇති බවය.
පෙත්සම්කාරිය වෙනුවෙන් පෙනී සිටි ජනාධිපති නීතිඥ නයිජල් හැච් කියා සිටියේ මෙම පනත් කෙටුම්පත පාර්ලිමේන්තු න්යාය පුස්තකයට ඇතුළත් කර ඇති බැවින් ආණ්ඩුක්රම ව්යවස්ථාවේ 121 වගන්තිය යටතේ ඕනෑම පුරවැසියකුට පෙත්සමක් ඉදිරිපත් කිරීමට අයිතියක් ඇති බවය.
අදාල ලිපිය මෙම මස 19 වෙනි දින ඉදිරිපත් කරන ලෙස නියෝග කළ ශ්රේෂ්ඨාධිකරණය එදින පෙත්සම කැඳවන ලෙසද නියෝග කෙරිණි. – ලංකාදීප