නිශානි අත්තනායක-
ලොව පුරා බහුලම චර්ම පිලිකාව වන මෙලනෝමා සඳහා ලොව ප්රථම පුද්ගලීකරණය කරන ලද mRNA පිළිකා එන්නත බ්රිතාන්ය රෝගීන් සඳහා මේ දිනවල අවසාන අදියරේ පරීක්ෂා සිදු කරමින් තිබේ. මුත්රාශය, පෙනහළු සහ වකුගඩු පිළිකා නැවැත්වීමේ හැකියාවද ” මේ විස්මිත එන්නත සතු බව කියයි.
මෙම එන්නත mRNA-4157 (V940) ලෙස නම් කර ඇති අතර , වත්මන් Covid එන්නත් සඳහා භාවිතා කරන තාක්ෂණයම භාවිතා කරන අතර අවසාන අදියර III අත්හදා බැලීම් මේ දිනවල සිදු කෙරේ.
සිය හිස්කබලෙ මෙලනෝමා වර්ධනයක් සිදු ව තිබු බ්රිතාන්ය ජාතික 52 හැවිරිදි Steve Young, පසුගිය අගෝස්තු මාසයේදි, එන්නත අත්හදා බැලූ පළමු රෝගීයාය .ඔහු මේ වනවිට සුවය ලබා ඇති අතර නැවත එම රෝගය වැළඳීමෙ අවදානමෙන් මිදි ඇති බව වෛද්ය වාර්තා කියයි.
මෙම එන්නත එක් එක් පුද්ගලයා සඳහා අනන්යවන ලෙස ගොඩනඟා ඇති අතර එය පිළිකා සෛල හඳුනා ගැනීමට ශරීරයට උපකාරි වන අතර රෝගය නැවත පැමිණීම ද නතර කරයි. දෙවන අදියර-පරීක්ෂණයේදීම එය මෙලනෝමා රෝගීන් තුළ නැවත පිළිකා ඇතිවීමේ අවදානම සැලකිය යුතු ලෙස අඩු කර ඇති බව සනාථ වූ අතර දැන් එහි අවසාන අදියර පරීක්ෂණ දියත් කර ඇත. යුනිවර්සිටි කොලේජ් ලන්ඩන් හොස්පිට්ල්ස් එන්එච්එස් පදනම භාරය (යූසීඑල්එච්) මෙම අදියරෙහි පෙරමුණ ගෙන සිටී.
මෙලනෝමා යනු මෙලනොසයිට් නමැති සම තුළ අඩංගු සෛල වලින් ආරම්භ වන බහුලම සමේ පිළිකා වර්ගයකි. Melanocytes යනු අපට සුවිශේෂී සමේ වර්ණයක් ලබා දෙන වර්ණක නිපදවන සමේ සෛල වේ. බටහිර රටවල, මෙලනෝමා සාමාන්යයෙන් පැන නගින්නේ පපුව, නළල සහ අත් පා වැනි සමේ හිරුට නිරාවරණය වන ප්රදේශ වලිනි. නමුත් ආසියාවේ මෙම රටාව වෙනස්ය. ආසියාතිකයන් තුළ මෙලනෝමා හටගන්නේ හිරු එළියට නිරාවරණය වන අත් සහ පාද මෙන්ම කාන්තාවන්ගේ මුඛයේ, උගුරේ, ආමාශය සහ ආන්ත්ර අභ්යන්තරයේ සහ යෝනි මාර්ගයෙහි ශ්ලේෂ්මල පටල (අභ්යන්තර ශ්ලේෂ්මල පටල) මතය.
මෙලනෝමා වර්ග 5ක් හඳුනාගන ඇත. ලෝක පිළිකා පර්යේෂණ අරමුදලේ (WCRF) දත්තවලට අනුව, 2020 දී ජනගහනය 100,000 කට රෝගීන් 37 ක් පමණ වාර්තා වූ ඕස්ට්රේලියාව ලොව සමේ පිළිකා ඇතිවීමේ ඉහළම අවදානමට ලක්ව ඇති රටය.
