මනම්පිටිය නිමල් ජයරත්න –
පොළොන්නරුව හිඟුරක්ගොඩ අධ්යාපන කලාපයට අයත් පොකුණුගල ප්රාථමික විද්යාලයේ 2 වසරේ ඉගෙනුම ලබන සිසුන් 27 දෙනෙකු අද (03) පෙරවරුවේ ඇති වූ කිසියම් ආසාත්මිකතාවයක් හේතුවෙන් අත්තනකඩවල ග්රාමීය රෝහලට ඇතුළත් කර ඇති බව, බකමූණ පොලිසිය කියයි.
රෝහලට ඇතුළත් කරන ලද ළමුන් 27 දෙනාගෙන් එක් අයකු හැර අනිත් සිසුන් ප්රතිකාර ගැනීමෙන් අනතුරුව රෝහලෙන් පිටව ගොස් ඇති බව රෝහල් ප්රකාශකයකු අප කළ විමසීමකදී සඳහන් කළේය.
අප මේ පිළිබඳව පොකුණුගල ප්රාථමික විද්යාලයේ විදුහල්පති, ඕ.ජී. සරත්ගෙන් දුරකථනයෙන් කළ විමසමකදී ඔහු සඳහන් කළේ ,එය ආහාර විෂ වීමකින් සිදුවූ ආසාත්මික තත්ත්වයක් නොවන බවත්, විද්යාලයට ආහාර ලබා දෙන්නේ එකම අයෙකු බවත්. එම ආහාර ලබාගත් අනිත් පන්තිවල සිසුන්ට එවැනි ආසාත්මික තත්ත්වයක් ඇති නොවු බවත්ය.
ආසාත්මික තත්ත්වය ඇති වූ සිසුන් අත්තනකඩවල ප්රාදේශීය රෝහලට ප්රතිකාර කිරීම සඳහා ඇතුළත් කළ බවත්, සිද්ධීයෙන් අනතුරුව ප්රදේශයේ මහජන සෞඛ්ය පරීක්ෂකවරුන් විද්යාලට පැමිණ ඒ පිළිබඳ පරීක්ෂණයක් සිදු කළ බවත් විදුහල්පතිවරයා වැඩිදුරටත් පැවසීය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
සිද්ධිය පිළිබඳව ඇළහැර බකමූණ ප්රාදේශීය සෞඛ්ය සේවා කාර්යාලය සහ බකමූණ පොලිසිය එක්ව වැඩිදුර පරීක්ෂණ සිදු කරයි.
