ශ්රියානි විජේසිංහ –
ඩෙංගු රෝග වසංගත තත්තවයක් දක්වා ගමන් කරමින් සිටින බැවින් මදුරුවන් බෝවිය හැකි ස්ථානයන් වෙතොත් ඒවා විනාශ කිරිමට වහාම පියවර ගන්නැයි ඩෙංගු මර්දන වැඩසටහනේ අධ්යක්ෂ විශේෂඥ වෛද්ය සුදත් සමරවීර සඳහන් කරයි.
දෛනිකව රෝගින් 1000ක් දෙනා මේ වන විට නේවාසිකව ප්රතිකාර ලබන බවත් මෙම සංඛ්යාව තවත් වර්ධනය වුවහොත් රෝහල්වලට දරාගැනීමට නොහැකි තත්ත්වයක් උදාවන බවත් එය මරණ සංඛ්යාව වැඩි වීමට හේතුවක් විය හැකි බවත් විශේෂඥවරයා පෙන්වාදේ.
මේ වන විට ඩෙංගු රෝගින් 83432ක් වාර්තා වී ඇති බැවින් ඉදිරි දිනවලදී මෙම සංඛ්යාවේ සිග්ර වර්ධනයක් සිදුවිය හැකි යැයිද හෙතෙම පවසා සිටියි.
වැඩිම ඩෙංගු රෝගීන් වාර්තාව වන පළාත බස්නාහිර පළාත වන අතර ඉන් එයින් වැඩිම රෝගීන් කොළඹ දිස්ත්රික්කයෙන් වාර්තා වී ඇතැයිද එම සංඛ්යාව 17604ක් යැයිද අධ්යක්ෂවරයා පෙන්වාදේ.
ඩෙංගු රෝගීන්ගෙන් 49 දෙනෙකු මේ වන විට මරණයට පත්ව ඇති අතර ඉන් වැඩිම ප්රමාණය අවුරුදු 25 – 49 අතර වයස් කාණ්ඩයට අයත් වූවන් බව ද අධ්යක්ෂවරයා කියයි.
දින දෙකකට වඩා උණ පවතින්නේ නම් වහාම වෛද්ය උපදෙස් ලබා ගන්නා ලෙසත් වේදනාව සමනය කිරීම සදහා පැරසිටමෝල් හැරුණු කොට වෙනත් කිසිදු ඖෂධ වර්ගයක් භාවිත නොකරන්නැයිද වෛද්ය සමරවීර ඉල්ලා සිටියි.
