ඩුබායි හි ආරකෂක අංශවල අත්අඩංගුවේ පසු වූ, මෙරට මත්ද්රව්ය ජාලය ක්රියාත්මක කරන ප්රධාන පෙළේ අපරාධකරුවකු ලෙස සැලකෙන නදුන් හෙවත් හරක් කටා ඩුබායි ආරකෂක අංශ විසින් පෙරේදා (03) දිනයේ නිදහස් කර ඇති බව වාර්තා වේ.
ඔහු ශ්රි ලංකාවට ගෙන්වා ගැනීම සඳහා මෙරට ආරක්ෂක බලධාරීන් පසුබට වීම මත නෛතික කටයුතු සම්පූර්ණ කර ගැනීමට නොහැකි වීම හේතුවෙන් ඔහු මෙසේ නිදහස් කර ඇති බවත් මේ සඳහා ශ්රි ලංකාවෙන් ජනාධිපති නීතිඥවරයකු ඇතුළු නීතීඥ කණ්ඩායමක් ඩුබායි වෙත ගොස් ඇති බවත් ආරංචි මාර්ග සඳහන් කරයි.
මෙරට මත්දුව්ය ජාලයේ ප්රධානතම ජාවාරම්කරුවකු සහ අපරාධකරුවකු ලෙසින් හඳුනාගෙන ඇති හරත් කටා නැමැත්තා පසුගිය 11 වැනිදා අත්අඩංගුවට පත්වන්නේ පොලිස් මත්ද්රව්ය කාර්යාංශය ජාත්යාන්තර පොලිසිය සමග එක්වී සිදුකළ ඒකාබද්ධ රහස් මෙහෙයුමක ප්රතිඵලයක් ලෙසිනි. ඒ ඩුබායි ගුවන් තොටුපලේ දීය.
හේරත් දිසානායකගේ රොෂාන් ඉෂන්ක නමින් ව්යාජ විදේශ ගමන් බලපත්රයක් උපයෝගී කර ගනිමින් සිය ගමන් බිමන් ගිය මෙම අපරාධකරුවා පිළිබඳව සොදිසියෙන් සිටි ජාත්යන්තර ඔත්තු සේවා ඔහු මැලේසියාවේ සංචාරයක යෙදී සිටියදී සූක්ෂම ලෙසින් ඔහුගේ විදේශ ගමන් බලපතේ අංකය ලබාගෙන එය ආරක්ෂක අංශ වෙත ලබා දීමෙන් පසුව සිදු කරනලද විමර්ශනවලදී ඔහු මෙලෙස අත්අඩංගුවට පත්විය.
මෙම මත්ද්ර ජාවාරම්කරුවා මෙරටට ගෙන්වීමට අදාළ කටයුතු මාසයක් ඇතුළත සම්පූර්ණ කරන ලෙස ඩුබායි රජය විසින් දන්වනු ලැබ ඇති අතර ඒ අනුව ලිපි ලේඛන අපරාධ පරීක්ෂණ දෙපාර්තමේන්තුව විසින් සකස් කරනු ලැබ ඇත.
ඒ සඳහා අනුගමනය කළ යුතු ක්රමවේදය අනුව ආරක්ෂක අමාත්යංශයේ අනුමැතියටත් ඉන් පසුව නීතිපති දෙපාර්තමේන්තු අනුමතිය සමඟ විදේශ අමාත්යංශයටත් යොමු කළ යුතුව ඇතත් ආරක්ෂක අමාත්යංශය මෙම ලිපි ගොනුව දීර්ඝ කාලයක් ආරක්ෂක අමාත්යංශයේ රඳවාගෙන සිට ඇති බව වාර්තා වේ.
මේ පිළිබඳව පෙරේදා (03) මහජන ආරක්ෂාව පිළිබඳව අමත්ය ටිරාන් අලස්ගේ ප්රධානත්වයෙන් පැවති සමාලෝචන රැස්වීමකදීද අවධානයට ලක් වුණු අතර අමාත්යවරයා මේ පිළිබඳව කළ සොය බැලීමේදී අනාවරණය වී අත්තේ එම ලිපිගොනු ව ආරක්ෂක අමාත්යංශය විසින් ප්රමාද කරනු ලැබ ඇති බවය.
ටිරාන් අලස් අමාත්යවරයා මෙම ජාවාරම්කරු ශ්රිී ලංකාවට ගෙන්වීමේ කටයුතු කඩිනම් කරන ලෙස පොලිසිය ඇතුළු අදාළ බලධාරීන්ට නියෝග කර ඇතත් ඔහුගේ ඉල්ලීමෙන් පැය කිහිපයක් ගත වෙද්දී ඩුබායි ආරකෂක අංශ මෙම සැකකරු නිදහස් කර යවා ඇත.
මේ ලිපියත් කියවන්න…
හරක් කටා රටට ගෙන ඒම වළක්වන්න පොලිසිය ඇතුළේ යටි කූට්ටු වැඩක්!
