වයඹ පළාත් භාර ජ්යෙෂ්ඨ නියෝජ්ය පොලිස්පති ලලිත් පතිනායක ඇතුළු පිරිස ස්ථාන මාරු කිරීමේ ක්රියාව අධිකරණය විසින් තරයේ හෙළා දකින බව ආණමඩුව මහේස්ත්රාත් නිරෝශා පටබැඳිගේ පැවසුවාය.
මහේස්ත්රාත්වරිය මෙලෙස පැවසූයේ පසුගිය 22 දා නවගත්තේගම පොලිස් කොස්කොස්තාපල්වරයෙකුට පහරදී පැහැරගෙන ගොස් ආනමඩුව ආලකුලම ප්රදේශයේ කනත්තක් අසල දමා යාමේ සිද්ධිය පිළිබඳ නඩුව අද (03) කැඳවූ අවස්ථාවේදී ය.
පොලිස් කොස්තාපල්වරයාට පහර දුන් පිරිස අත්අඩංගුවට ගැනීමට නවගත්තේගම පොලිසිය කටයුතු කර තිබිණි.
එහෙත් සිද්ධිය සමතකයට පත් නොකිරීම පිළිබඳව වයඹ පළාත් භාර ජ්යෙෂ්ඨ නියෝජ්ය පොලිස්පති ලලිත් පතිනායක, පුත්තලම නියෝජ්ය පොලිස්පති, පුත්තලම ජ්යෙෂ්ඨ පොලිස් අධිකාරී, ආනමඩුව පොලිස් අධිකාරී සහ ආනමඩුව පොලිස් ස්ථානාධිපතිවරයා වහාම ක්රියාත්මකවන පරිදි ස්ථාන මාරු කර තිබිණි.
මෙම ස්ථාන මාරු කිරීම අධිකරණය හෙළා දකින බව කී මහේස්ත්රාත්වරිය පොලිස් නීති කොට්ඨාසය ක්රියා කළ ආකාරය සම්බන්ධයෙන් සෑහීමකට පත්නොවන බව ද පැවසුවාය.
පොලිසිට අපක්ෂපාතීව කටයුතු කරන ලෙස ද පවසා සිටි මහේස්ත්රාත්වරිය ස්ථානාධිපති ආණමඩුව හා පොලිස් අධිකාරි ආණමඩුව විසින් කර තිබෙන ක්රියාව සම්බන්ධයෙන් අධිකරණය අගය කරන බවද පැවසුවාය.
වයඹ පළාත් භාර ජ්යෙෂ්ඨ නියෝජ්ය පොලිස්පතිවරයා ඇතුළු පස් දෙනෙකු ස්ථාන මාරු කළ බවට පොලිස් නීති කොට්ඨාසය විසින් අධිකරණයට දැනුම් දීමක් සිදු කර තිබෙන බවත් එම ක්රියාව ආණමඩුව ස්ථානාධිපති සිදු කළ ක්රියාවට ප්රතිරෝධය දැක්වීමක් බවත් මහේස්ත්රාත්වරිය වැඩිදුරටත් පවසා සිටියාය.
එම ස්ථාන මාරුවීම් ක්රියාව අධිකරණය විසින් තරයේ හෙළා දකින බවත් නැවත එම ක්රියාව නිවැරදි කරතැයි අධිකරණය බලාපොරොත්තු වන බවත් මහේස්ත්රාත්වරිය පැවසුවාය.
පොලිසිය විසින් දැනට අධිකරණයට ඉදිරිපත් කර තිබෙන 35374/2023A දරන බී වාර්තාව ඉවත් කොට ගෙන නැවත සංශෝධිත බී වාර්තාවක් ඉදිරිපත් කිරීමට පොලිස් නීති කොට්ඨාසය සිදු කළ ඉල්ලීම ප්රතික්ෂේප කිරීමට ද මහේස්ත්රාත්වරයා පියවර ගත්තාය.
නඩුව කැඳවූ අවස්ථාවේදී කරුණු සලකා බලා අත්අඩංගුවට පත් පොලිස් විශේෂ කාර්ය බලකායේ පොලිස් පරීක්ෂකවරු දෙදෙනා ඇතුළු පස් දෙනා රුපියල් ලක්ෂ 5 ක ශරීර ඇප මත මුදාහැරීමට නියෝග ලබාදී තිබුණේය
