ඉන්දීය රජය විසින් ඉකුත්දා එරට ඊ වාණිජ කටයුතු වල වර්ධණය වේගවත් කිරීමටත් විධිමත් කිරීමට අපෙක්ෂා කරමින් නව විදේශ වෙළඳ ප්රතිපත්තියක් හඳුන්වා දීමට පියවරගනු ලැබීය.
ඒ අනුව මෙම නව වෙළෙඳ ප්රතිපත්තිය මගින් ඉන්දීය රුපියල ජාත්යන්තරකරණය කිරීමටත් මෙතෙක් ඉන්දීය රජය විසින් භාවිතා කළ අපනයන ප්රවර්ධන ප්රාග්ධන භාණ්ඩ සහ අත්තිකාරම් බලපත්ර යටතේ අපනයන වගකීම් ඉලක්ක සපුරා ගැනීමට නොහැකි වූවන්ට යම් සහනයක් ලබාදීමට අපෙක්ෂිතය.
මෙම නව ප්රතිපත්යි ප්රකාශයට පත්කරමින් ඉන්දීය වාණිජ හා කර්මාන්ත අමාත්ය පියුෂ් ගොයාල් පැවසුවේ මෙම වසරේදී ඇස්තමෙන්තු ගත ඇමරිකානු ඩොලර් බිලියන 760ත් 765ත් අතර අපනයන අගය වර්ෂ 2030 වන විට ඇමරිකානු ඩොලර් ට්රිලියන දෙකක් එනම් බිලියන දෙදහසක් දක්වා ඉකමා යනු ඇති බවට තමන් අපෙක්ෂා කරන බවයි.
එහිදී නව ප්රතිපත්ත මගින් අපනයනකරුවන් දිරිමත් කිරීමටත් නව බිහි කිරීමටත් අපෙක්ෂා කරන බවටද අමාත්යවරයා පෙන්වා දුන් අතර එමගින් ඉන්දීය ආර්ථික වර්ධනය වේගවත් කිරීමට බලාපොරොත්තු වන බවද හෙතෙම පැවසීය.
මෙහිදී ඉන්දියාව තුල ප්රති අපනයන වර්ධනය කිරීමට මෙන්ම එක් රටකින් භාණ්ඩ මිලදී ගෙන එම භාණ්ඩ ඉන්දියාවට තුලට නොගෙන වෙනත් රටකට අපනයන කිරීමටද අවශ්ය පහසුකම් සැපයීමටද පියවර ගන්නා බවට ඉන්දීය රජය සඳහන් කළේය.
.
මේ අතර නව වෙළෙඳ ප්රතිපත්තිය මගින් ඉන්දීය ඊ වානිජ්ය කටයුතු පමණක් 2030 වන විට ඇමරිකානු ඩොලර් බිලියන 200ත් 300ත් අතර අගයකින් ඉහළ යනු ඇති බවට අපෙක්ෂා කරන බවටද ඉන්දීය රජය පෙන්වා දුන්නේය.
ඉන්දියාව මේවන විට ලොව වේගවත්ම ආර්ථික වර්ධනයට හිමිකම් කියනු ලබන රාජ්ය වන අතර පසුගිය කාලයේදී චීනය තුල අධිපත්ය වර්ධනය කරගත් නිෂ්පාදන කර්මාන්ත ඉන්දියාවට පිවිසීමට පියවරගෙන තිබීමද විශේෂත්වයකි. ඒ අනුව මේවන විට ලොව පස්වැනියට විශාලතම ආර්ථිකය ඉදිරියේදී වඩාත් ශක්තිමත් රාජ්යක් වනු ඇත.
