ශ්රියානි විජේසිංහ.
සියලුම ජලාශවල වාන්දොරටු උපරිමයෙන් විවෘත කර එහි ආරක්ෂාව තහවුරු කර ඇති බැවින් ජලාශ සම්බන්ධයෙන් අනතුරුදායකතත්වයක් නොමැති බව වාරිමාර්ග දෙපාර්තමේන්තුවේ අධ්යක්ෂ ජනරාල් අජිත් ගුණසේකර මහතා සදහන් කරයි.
කැළණි ගඟ මේ වන විට අධි ගංවතුර මට්ටම ඉක්මවා ගොස් තිබෙන බවත් . දැනට පවතින ගංවතුර මට්ටම ඉදිරි පැය 24 කාලය තුල මේ ආකාරයටම පවතින බවත් හෙතෙම පෙන්වාදේ.
යම් වැඩිවීමක් සිදුවන්නේ නම් එය අගල් 6ක තරම් සුළු වැඩිවීමක් වුවද 2වන දා පමණ වන විට ගංවතුර මට්ටම අඩුවිය හැකි බවට ාපුරෝකථනය කල හැකි බව අධ්යක්ෂ ජනරාල්වරයා පවසා සිටියි..
අත්තනගලු ඔය පිටාර ගැලීම හේතුවෙන් ගම්පහ ප්රදේශය විශාල ලෙස අවදානමකට පත් වී තිබෙන බවත් ගම්පහ නගරයේ ගංවතුර හෙට උදෑසන හෝ දහවල් කාලයේදි අඩුවිය හැකි යැයි පුරෝකථනය කල හකි බවද සඳහන් කරයි.
කොච්චිකඩේ ප්රදේශයෙන් මුහුදට වැටෙන මහඔය ගංගාව හේතුවේ ගිරිඋල්ල නගරයට දැඩි බලපෑමක් ඇති ව තිබුණ නමුත් දැන් එය පහවෙමින් පවතින බව පෙන්වා දෙන අධ්යක්ෂ ජනරාල්වරයා බඩල්ගම කටාන වැනි ප්රදේශවලද මේ හේතුවෙන් සුළු බලපෑමක් ඇතිවන බව පවසා සිටියි..
කලු ගගේ ජල මට්මට කලුතරදි යම් වැඩිවීමටක ලක්වෙන නමුත් රත්නපුර ප්රදේශයේ ගංවතුර තත්ත්වය අද වන විට බැස යනු ඇතැයි ද අවදාරණය කරයි..
දැදුරු ඔය ජලාශය තත්පරයට ඝන අඩි ලක්ෂයක් වශයෙන් වාන් දාමන බවත් එය පාලනය කර එම වාන් දමන ප්රමාණය හෙට උදෑසන වන විට අඩුකර ගැනීමට හැකිවනු ඇතැයිද ගුණසේකර මහතා පවසයි.
හලාවත මහ රෝහල මේ වන විට ගංවතුරෙන් යටවී තිබෙන නමුත් එහි ගංවතුර මට්ටම හෙට වන විට බැස ගොස් යථා තත්ත්වයට පත් වනු ඇති බවට පුරෝකථනය කල හැකි බවද පවසා සිටියි.
අනුරාධපුර ප්රධාන වැව් වාන් දමන බැවින් මල්වතු ඔය ආශ්රිතව අනුරාධපුර නගරයේ ගංවතුර තත්තවයක් තව දුරටත් පවතින බැවින් හෙට සවස් කාලයේ වන විට ගංවතුර මට්ටම පහව යෑම ආරම්බ වනු ඇති බවද පැවසුවේය.
රාජාංගන ජලාශයෙන් තත්තපයර ඝන අඩි ලක්ෂයක් ප්රමාණයක් කලා ඔයට මුදා හැරිය ද අද වන විට තත්ත්පරයට ඝන අඩි 60000ක් ප්රමාණයක් මුදා හරින බවද අධ්යක්ෂ ජනරාල්වරයා පවසා සිටියි.
.
මහවැලි ගඟ මුහුදට වැටෙන ත්රිකුණාමලය දිස්ත්රික්කය තුල ගංවතුර තත්වය උපරිමයෙන් තිබෙන බැවින් හෙට දිනයෙත් ඒ අයුරින්ම ගංවතුර ත්රිකුණාමලය තුල පවතිනු ඇතැයිද පැවසේ.
පොලොන්රුව දිස්ත්රික්කයේ ගංවතුර තත්තවය මේ වන විට අඩුවී තබෙන . නමුත් මින්නේරිය හා කවුඩුල්ල වැනි ජලාශ සියල්ල තවමත් වාන් දමන බැවින් ගංවතුර තත්වය තවදුරටත් පවතින බව හෙතෙම පැවසුවේය.
