කොවිඩ් සම්බන්ධව යූ ටියුබ් නාලිකාවක සම්මුඛ සාකච්ඡාවක් සඳහා පෙනී සිටි වතු හා නාගරික සෞඛ්ය අංශයේ නියෝජ්ය අධ්යක්ෂ ( වැඩ ආරවණ) වෛද්ය චමල් සංජීව වෙත සෞඛ්ය ලේකම්වරයා විසින් චෝදනා පත්රයක් ඉදිරිපත් කර තිබේ.
ටෘෘත් විත් චමුදිත නැමැති යූ ටියුබ් නාලිකාවට චමුදිත සමරවික්රම සමග කොවිඩ් ව්යසනය සම්බන්ධව අදහස් දැක්වූ වෛද්ය චමල් සංජීවට සෞඛ්ය ලේකම්වරයා විසින් චෝදනා ගොනු කරන්නේ මෙම සාකච්ඡාවේ දී ඔහුගේ ප්රකාශ මගින් සෞඛ්ය අමාත්යාංශයේ නිලධාරීන්, එහි පරිපාලන කටයුතු, කොවිඩ් මර්ධන කටයුතු හා රජයේ කොවිඩ් මර්ධන වැඩපිළිවෙළ ප්රසිද්ධියේ විවේචනය කිරීම සම්බන්ධවය.
සෞඛ්ය අමාත්යාංශයේ නිසි අවසරයකින් තොරව එම වැඩසටහනට පෙනී සිට ඇතැයි ද, එහි දී ඔහුගේ ප්රකාශ මගින් සෞඛ්ය අමාත්යාංශය විවේචනය වී ඇතැයි ද ඉන් ආයතන සංග්රහය උල්ලංඝණය වී ඇතැයි ද දන්වන සෞඛ්ය ලේකම්වරයා ඒ සඳහා දඬුවමක් නොදීමට ඇති හේතු දින තිහක් තුළ තමන් වෙත ලිඛිතව දන්වන ලෙස වෛද්ය චමල් සංජීව වෙත දැනුම් දී තිබේ
