මධ්යම පළාතේ කොවිඩ් වසංගත තත්ත්වය අනපේක්ෂිත ලෙස ඉහළ ගොස් ඇති බවත් පළාත තුළ සිදුව ඇති කොවිඩ් මරණ සංඛ්යාවේ සැලකිය යුතු ඉහළ යාමක් පවතින බවත් අද මෙ සම්බන්දයෙන් මධ්යම පළාත් සෞඛ්ය බලධාරීන් අතර පැවැති සාකච්ඡාවකදී අනාවරණය විය.
මෙම සාකචඡාවේදි හෙළිදරව් වූ තොරතුරුවලට අනුව මහනුවර කොවිඩ් මරණ 50ක් පමණ සිදුව ඇති බවත් මාතලේ 13ක් සහ නුවරඑලියේ 12ක් සිදුව ඇති තත්ත්වයක් තුළ මධ්යම පළාතේ කොවිඩ් තත්ත්වය බරපතල තැනකට තල්ලු වීම පාලනය කිරීම සඳහා තීරණ කිහිපයක් අද සාකච්ඡාවේදී ගැනුණු බව මධ්යම පළාත් සභා ආරංචි මාර්ග සඳහන් කරයි.
අද පැවැති සාකච්ඡාවේදී ගැනුණු තීරණ අතර විශේෂිත එකක් වන්නේ වසංගත තත්ත්වය කළමනාකරණය සඳහා ශ්වසන රෝග විශේෂඥ වෛද්යවරුන්ගේ ද සහය ලබා ගැනීමට තීරණය කිරීමයි. ඒ අනුව පළාත තුළ කටයුතු කරන ශ්වසන විරෝග පිළිබඳ විශේෂඥ වෛද්යවරුන් කැඳවීමට එහිදී තීරණය කෙරිණි.
මෙයට අමතරව පෞද්ගලික උපකාරක පන්ති නිසි ලෙස සෞඛ්ය නීති පිළිනොපදින බවට වාර්තා වී ඇති බැවින් මේ පිළිබඳව හෙට සිට සොයා බලා නිසි සෞඛ්යාරක්ෂිත ක්රමවේද අනුගමනය නොකරන පෞද්ගලික උපකාරක පන්ති අත්හිටුවීමට තීරණය වී තිබේ.
මෙයට අමතරව පොදු ප්රවාහනයේදී සෞඛ්ය නීති නිසි ලෙස අනුගමනය නොවීම , පී.සී ආර් පරීක්ෂණ සිදු කරන ප්රමාණය වැඩි කිරීම වැනි පියවර සම්බන්ධයෙන්ද තීරණ ගෙන තිබේ.
