-
මිලදී ගැනීම නිවේදනය කරන්නේ රජය විදේශ ණය නොගෙවන බව ප්රකාශ කළ පසුයි…
-
මේ වන විට ශ්රී ලංකන් ගුවන් සමාගමේ ණය කන්දරාව ඩොලර් බිලියන 1.7යි…
ශ්රී ලංකාව දැඩි ආර්ථික අර්බුදයකට මුහුණදී සිටින අවස්ථාවක ශ්රී ලංකන් ගුවන් සමාගම විසින් ගුවන් යානා 21 ක් කුලී පදනම යටතේ මිලදී ගැනීමට සූදානම් වීමක් පිළිබඳ වාර්තාවේ.
ඒ අනුව ශ්රී ලංකන් ගුවන්සේවය විසින් සිය නිල ට්විටර් ගිණුමෙන්ද මේ බව තහවුරු කර ඇති අතර ඉදිරියේදී කුලී පදනම මත ගුවන්යානා 21ක් ලබා ගැනීමට සමාගම බලාපොරොත්තු බව එහි සඳහන් කර ඇත.
ගුවන් සමාගම විසින් සිය ගුවන්යානා සංඛ්යාව 24 සිට 35දක්වා ඉදිරි වසර තුනක කාලය තුළදී වර්ධනය කිරීමට සැලසුම් කර ඇති අතර බවද එම නිවේදනයේ සඳහන් අතර එය දැනට භාවිතා කරණ පැරණි ගුවන් යානා වෙනුවට නව යානා යෙදවීම සඳහා බවද ඔවුන් සඳහන් කරයි.
ශ්රීලන්කන් ගුවන් සමාගමේ මෙම නිවේදනය නිකුත් කරන්නේ රජය විසින් සිය විදේශ ගෙවීම් තාවකාලිකව අත්හිටුවන බවට ප්රකාශ කිරීමත් සමඟය. ගුවන් සමාගම දිගින් දිගටම පාඩු ලබමින් කටයුතු කළ අතර එහි ශේෂ පත්රයට අනුව ඇමරිකානු ඩොලර් බිලියන 1.7ක ණය බරකින් යුක්ත වේ.
එසේම සමාගම විසින් ඇමරිකානු ඩොලර් බිලියන 1.56ක පාඩුවක් 2020 මාර්තු මස වනවිට ලබා ඇති බවද එහි ගිණුම් පරික්ෂා කිරීමේදී අනාවරණය වේ.
මෙවැනි තත්ත්වයක් පවතින පසුබිමක ජාත්යන්තර මූල්ය අරමුදල විසින් අවස්ථා රැසකදී ශ්රීලන්කන් ගුවන්සේවය පුද්ගලීකරණය කරන ලෙස ඉල්ලා සිටියේ. එහිදී ඔවුන් මෙම ගුවන් සේවය හුදෙක් සුදු අලියෙකු පමණක් බවද පෙන්වා දුන්නේය.
කෙසේ වෙතත් මෙම ගුවන් සේවය 2008 වර්ෂයේදී එමිරේට් ගුවන් සේවයෙන් ලබා ගැනීමට පෙර ලාභ ඉපැයීම සිදුකළ අතර ඒ වන විට එහි කළමනාකරණ කටයුතු එමිරේට්ස් සමාගම විසින් සිදු කළේය.
එහෙත් මහින්ද රාජපක්ෂ ජනාධිපතිවරයා පාලනය පැවති වර්ෂ 2008 කාලයේදී පෞද්ගලික හේතුවක් පදනම් කරගෙන මෙම ගුවන් සේවය යළි පවරා ගෙන තිබිණි. ඊට මූලිකම හේතුව වූයේ ලන්ඩන් නගරයේ නිවාඩුවක් ගතකිරීමට ගිය සිය පවුලේ සාමාජිකයින්ට ගුවන් යානයේ ආසන ලබාගැනීමට නොහැකි වීමය.
මේ අතර එයාබස් ඒ350 ගුවන්යානා මිලදී ගැනීමට රාජපක්ෂ පාලන සමයේදී කටයුතු කිරීමට අදාල ගනුදෙණුව සම්බන්ධව පරීක්ෂණයක් පැවැත්වෙන අතර එවකට එහි ප්රධාන විධායක නිලධාරියාව සිටි කපිල චන්ද්රසේන සහ ඔහුගේ බිරිය ජාත්යන්තර පරීක්ෂණයකින් පසුව අත්අඩංගුවට ගැණිනි.
එහිදී ඔවුන් දෙදෙනා වංචනිකව ඇමරිකානු ඩොලර් මිලියන 2ක් ලබාගෙන ඇති බවට ද එහිදී අනාවරණය විය.
