සුමිත් පොතුපිටිය –
උතුර මැද පළාත තුළ කුරියර් සේවාව හරහා මහා පරිමාණයෙන් මත්කුඩු ගෙන්වා ජාවාරම් කළ කෝටිපති ව්යාපාරිකයෙකු ගේ පුත්රයෙකු වන සෝනි නමැති අන්වර්ථ නාමයෙන් හඳුන්වන සැකකරු රුපියල් ලක්ෂ 35 ක පමණ වටිනාකමකින් යුත් අයිස් මත්ද්රව්ය සමග අත්අඩංගුවට ගැනීමට වලාන මධ්යම දූෂණ මර්ධන ප්රහාරක ඒකකය සමත්ව ඇත.
කැකිරාව ප්රදේශයේ ෆුඩ්සිටි , ගොඩනැගිලි ද්රව්ය සහ පාසල් උපකරණ අලවි ජාලයක් ඇතුළු ව්යාපාර රැසක හිමිකරුවෙකුගේ 32 හැව්රිදි පුත්රයා මෙසේ අත්අඩංගුවට ගෙන ඇති බව පොලිසිය කීය.
ස්ථානාධිපති ප්රධාන පොලිස් පරීක්ෂක ඉන්දික වීරසිංහ මහතාට ලද තොරතුරක් මත උපාය දූතයන් යොදා සිදුකල රහසිගතව ආවේක්ෂණ රාජකාරි වලින් පසු සුවිසල් නිවස සහ ව්යාපාරික ස්ථාන වටලා කර පරීක්ෂාවේදී රුපියල් ලක්ෂ තිස් පහකට ආසන්න වටිනාකමකින් යුත් අයිස් මත්ද්රව්ය තොගයක් සොයාගෙන සැකකරු අත්අඩංගුවට ගෙන තිබේ.
සිය පියාගේ ව්යාපාර ජලයට ගෙන්වන භාණ්ඩ සහ උපකරණ අතර සඟවා මත්කුඩු කුරියර් සේවා ක්රමයට ගෙන්වා ඔහු සිය නිවස තුළ පැකට් කර සූක්ෂම ලෙස මහා පරිමාණයෙන් උතුර මැද පළාතා තුළ බෙදාහැර ඇති බවද පොලිසිය කීය.
සැකකරු වෙනුවෙන් රැඳවුම් නියෝග ලබාගෙන කැකිරාව පොලිසියේ රඳවා වලාන මධ්යම දූෂණ මර්ධන ප්රහාරක අංශ නිළධාරීන් වැඩිදුර විමර්ශන සිදුකරන බවද සඳහන් වේ.
අධ්යක්ෂක ජේෂ්ඨ පොලිස් අධිකාරී චාමික වික්රමසිංහගේ උපදෙස් පරිදි ස්ථානාධිපති ප්රධාන පොලිස් පරීක්ෂක ඉන්දික වීරසිංහගේ මෙහෙයවීමෙන්, ප්රධාන පොලිස් පරීක්ෂක මහේන්ද්ර පෙරේරා , උප පොලිස් පරීක්ෂක සඳරුවන් ,ජයවීර , සුපුන්, රත්නායක , චතුරංග , සැරයන් 67237 ප්රේමරත්න , 75956 ඉන්දික ,කොස්තාපල් වරුන්වන 77090 බාලසුරිය ,87119 අමිල, 35039 මධුසංක, 104678 කුමාර , 100670 ලක්ෂිත , 104914 වෙන්මදිරාජා , කාන්තා 11352 දිල්හාරා, සහ පොකොරි 16227 උදාර , 89631 අබේරත්න වැටලීමට එක්වූහ.
