ගල්කිස්ස ප්රදේශයේ ඩිජිටල් මුද්රණ ආයතනයක හෙරොයින් හා අයිස් මත්ද්රව්ය ඇසුරැම් කිරිමට යොදාගන්නා ස්ටිකර් හා ඊට භාවිත කළ මුද්රණ යන්ත්ර සමග කොළඹ මධ්යම අපරාධ ඒකකය මගින් පසුගියදා අත්අඩංගුවටගත් එහි හිමිකරු හෙට (18) දක්වා රක්ෂිත බන්ධනාගාර ගත කිරීමට ගල්කිස්ස වැඩබලන මහේස්ත්රාත්වරයා විසින් අද (17) නියෝග කළේය.
මත්ද්රව්ය ඇසුරුම් මුද්රණය කිරීමේ චෝදනා මත මෙසේ අත් අඩංගුවට පත් වන්නේ දෙහිවල ගල්කිස්ස මහ නගර සභාවේ ජනතා විමුක්ති පෙරමුණේ හිටපු මන්ත්රීවරයෙකුට බව හිටපු පාර්ලිමේන්තු මන්ත්රී ප්රේම්නාත් සී. දොලවත්ත ඊයේ පැවසීය.
මත්ද්රව්ය ජාවාරම්කරුවන් තම මත්ද්රව්ය පාර්සල් හඳුනාගැනීම සඳහා භාවිත කරන සලකුණු නිර්මාණය කරන ගල්කිස්සේ පිහිටි ස්ථානයක් පිළිබඳව පසුගියදා පොලිස් මධ්යම අපරාධ විමර්ශන කාර්යාංශයට තොරතුරක් ලැබී තිබුණි.
ඒ අනුව එහි අධ්යක්ෂ ජ්යෙෂ්ඨ පොලිස් අධිකාරී කමල් ආරියවංශගේ උපදෙස් මත පරිගණක අපරාධ විමර්ශන අංශයේ ස්ථානාධිපතිවරයා විසින් විමර්ශනයක් ආරම්භ කළේය.
එහි ප්රතිඵලයක් ලෙස අදාළ ස්ථානය පසුගිය 14 වනදා පස්වරුවේ වටලා එහි හිමිකරු අත්අඩංගුවට ගැනුණි.
සොයාගත් ස්ටිකර් ගල්කිස්ස හා බඩෝවිට සිටින මත්ද්රව්ය ජාවාරම්කරුවන් විසින් බහුලව භාවිත කර ඇතැයි සැක කරයි.
ලොව ප්රකට කාටුන් සහ රූපවාහිනී කතා මාලාවන්හි එන චරිත යොදාගෙන සැකසූ ස්ටිකර් තොගයක්ද ඒ අතර වේ.
