ශ්රියානි විජේසිංහ –
රාජ්ය හා පළාත් රාජ්ය සේවා ආයතනයන් ගෙන් කිසියම් සේවාවක් ලබා ගැනීමට හෙට (8) අනිද්දා (9) යන දෙදින තුළ කාර්යාලයන් වෙත නොපැමිණෙන්නැයි රාජ්ය හා පළාත් රාජ්ය සේවා එකමුතුව ජනතාවට දැනුම් දී සිටියි.
ආණ්ඩුව රාජ්ය සේවාවේත් පළාත් රාජ්ය සේවාවේත් විධායක නිලධාරින්ට පමණක් රුපියල් 25000ක දීමනාවක් වැඩි කර ජුලි මස වැටුපට ලබාදෙන්න ගත් තිරණය කර ඇති බවත්, සමස්ථ රාජ්ය හා පළාත් රාජ්ය සේවයේ සේවකයින්ට එම දීමනාව ලබා දිය යුතු බවත් කියමින් හෙට සහ අනිද්දා දෙදින තුළ අසනීප නිවාඩු දමා සේවයට වාර්තා නොකර සිටීමේ වෘත්තීය සමිති ක්රියාමාර්ගයක නිරත වන බව රාජ්ය හා පළාත් රාජ්ය සේවා එකමුතුවේ සම කැඳවුම්කරු චන්දන සූරියආරච්චි පැවසුවේය.
වැඩ වර්ජනයට සමගාමීව හෙට දවල් 12.00ට රාජ්ය පරිපාලන අමාත්යංශය ඉදිරිපිට කොළඹ සහ ගම්පහ දිස්ත්රික්කයන් හී රාජ්ය නිලධාරීන් එකතු වි උද්ඝෝෂණ ව්යාපාරයක නිරත වන බවද හෙතෙම කීවේය.
ප්රාදේශීය ලේකම් කාර්යාලයන් දිස්ත්රික්ලේකම් කාර්යාලයන්, හැදුණුම්පත් දෙපාර්තමේන්තුව, ආගමන විගමන දෙපාර්තමේන්තුට ඇතුළු දෙපාර්තමේන්තුවලින් සේවාවන් කර ගැනිමෙට පැමිණෙන පුද්ගලයින් හෙට සහ අනිද්දා එම ආයතනයන් වෙත නොපැමිණෙන්නැයි රාජ්ය හා පළාත් රාජ්ය සේවා එකමුුතුව ඉල්ලිමක් කරයි.
රාජ්ය සේවයේ මෙම වර්ජනය කරනු ලබන්නේ ජනාධිපතිවරයා විසින් මේ වසරේ කිසිම රාජ්ය සේවකයෙකුට ශත පහක වැටපු වැඩිවීමක් නොකරන බවත්, මේ මැතිවරණ වසරක් බවත් ඊයේ (07) පැහැදිලිව ප්රකාශ කර තිබියදීය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
