ලලිත් චාමින්ද –
ගාල්ල කරාපිටිය ශික්ෂණ රෝහලේ හෘද හා උරස් කුහර ඒකකයේ තුන්වැනි ශල්යාගාරය වායු සමිකරණ පද්ධතියේ ඇති කාර්මික දෝෂයක් හේතුවෙන් දැනට වසර දෙකකටත් වඩා වැඩි කාලයක සිට ප්රායෝජනයට ගැනිමට නොහැකි තත්ත්වයක් උදාවි ඇති බැව් රෝහල් ආරංචි මාර්ග සදහන් කරයි.
කරාපිටිය ශික්ෂණ රෝහලේ හෘද හා උරස් කුහර ඒකකය තුළ ශල්යාගාර තුනක් තිබෙන අතර දැනට හෘද සැත්කම් සිදුකරණු ලබන්නේ ශල්යාගාර දෙකක් තුළ පමණක් බවද එම ආරංචි මාර්ග සඳහන් කරයි.
දැනට වසා දමා ඇති ශල්යාගාරය පැරණි ශල්යාගාරයක්වන අතර එහි වායු සමිකරණ පද්ධතිය අලුතෙන්ම සවි කළ යුතු බවද දැන ගන්නට තිබේ. මම ශල්යාගාරය ඉදිකළ සමාගම විසින්ම එහි නඩත්තු කටයුතු සිදුකළ යුතුව ඇති අතර වායු සමිකරණ පද්ධතියේ නඩත්තු කටයුතු සදහා එම සමාගම විසින් ලක්ෂ 48ක මුදලක් ඉල්ලා ඇති බවද දැන ගන්නට ඇත.
මේ පිළිබද ගාල්ල කරාපිටිය ශික්ෂණ රෝහලේ අධ්යක්ෂක වෛද්ය එස්.පී.යූ.එම්. රංග ගෙන් අප කළ විමසුමකදි මෙසේ කිවේය.
හෘද හා උරස් කුහර ඒකකය තුළ තිබෙන ශල්යාගාර වසර 10ක් 15ක් පැරණි ශල්යාගාරයක්. ශල්යාගාරවල වායු සමිකරණ පද්ධති කැඩෙනවා. ඊට පසු එවා හදනවා. තුන් වැනි ශල්යාගාරයේ තමයි වායු සමිකරණ පද්ධතිය කාර්මික දෝෂයකට ලක්වෙලා තියෙන්නේ. ඇතැම් අවස්ථාවල මේක අලුත් වැඩියා කරපු ගමන් කැඩෙනවා. හදන්නේ නැතිය ඉන්නේ නැහැ. අලුත්වැඩියා කටයුතු සිදුකරනවා.”
“මෙම ශල්යාගාරය නැතිවුනාට තවත් ශල්යාගාර දෙකක් මෙම ඒකකය තුළ තියෙනවා.කොහොමත් ශල්යාගාර තුනම එකම අවස්ථාවකදි හෘද සැත්කම් කිරිම සදහා යොදා ගන්නේ නැහැ. අනික් ශල්යාගාර දෙක තුළ හෘද සැත්කම් මාරුවෙන් මාරුවට සිදුකරණවා. ඒ නිසා මෙම ශල්යාගාරය නැතිවුනා කියලා හෘද සැත්කම් කිරිමට බලපෑමක් ඇතිවෙලා නැහැ. සිදුකරණ හෘද ශල්යකර්ම සංඛ්යාව අඩුවෙලා නැහැ. “
“මෙම ශල්යාගාරයේ වායු සමිකරණ පද්ධතිය හදන්න ඕන ශල්යාගාරය සවි කළ සමාගම විසින්ම තමයි. නමුත් මේ සමාගම විසින් හරියට නඩත්තු කටයුතු සිදුකරන්නේ නැහැ. ගිය වසරේ ඒ අය හරියට මෙම ශල්යාගාරයේ නඩත්තු කටයුතු කළේ නැහැ. ඒ නිසා එම සමාගමට ගෙවිම් පවා කළේ නැහැ. මෙක මොඩියුල ශල්යාගාරයක්. ඒ නිසා මෙම සමාගම විසින්ම මෙහි අලුත් වැඩියා කටයුතු සිදුකළ යුතුයි.” රෝහල් අධ්යක්ෂකවරයා සදහන් කළේය.
