ශ්රී ලංකා විස්සයි විස්ස ක්රිකට් කණ්ඩායමේ නායක වනිදු හසරංග අවවාද නොතකා දිගින් දිගටම පිටිය මැද සිදුකරන අවිනීත හැසිරීම් රටාව ජාතික නායකත්වයක ලක්ෂණ නොපෙන්වන තරම් අශීලාචාර වීම මේ දිනවල සමාජ මාධ්ය තුළ හා ක්රිකට් ලෝලීන් අතර ඉමහත් කතා බහට ලක්වී තිබේ.
මේ දැක්වෙන්නේ කොළඹ සහ නුවර තරගය අතර චාමික කරුණාරත්න එල්ල කළ වේගවත් පහරක් රැක ගත නොහැකි වූ ලාබාල ක්රීඩකයෙකුට ඔහු බැන වදින ආකාරයයි.
ලංකා ප්රිමියර් ලීගයේ තරග අතර තුර ඔහු ප්රේක්ෂකයන්ගේ නිර්දය උපහාසයට සහ විවේචනයට ලක්ව ඇත. ඇතැම් ප්රේක්ෂකාගාර වලින් ඔහුට හූ හඬද නැගෙන්නේ ඔහුගේ චරිතයේ ඇති මදාවි උද්දච්චකම නිසා බව දැන් ක්රිකට් පරිපාලනයට ද අවබෝධ වෙමින් ඇතැයි වාර්තා වේ. ක්රීඩා ගාරයේ ප්රේක්ෂකයින් වනිඳුට හරියටම කියා දුන් ආකාරය පහත දැක්වේ.
කිසිසේත් නායකත්වයකට සුදුසු නැති අයකුට ලෝක කුසලාන වැනි වැදගත් තරගාවලියක නායකත්වය පවරා ඔහුට අවශ්ය කණ්ඩායම එසේම ලබා දුන් උපුල් තරංගගේ සභාපතිත්වයෙන් යුත් ජාතික තේරීම් කමිටුවටද ක්රිකට් ලෝලීන්ගේ අප්රසාදය හා විරෝධය එල්ල වෙමින් පවතී.
වනිඳුට දිරවන්නේ නැති ක්රීඩකයන් ඉවත් කර ඔහුට අවශ්ය ක්රීඩකයන් පමණක් ලබා දෙන රූකඩ තේරීම් කමිටුවද ඉල්ලා අස්විය යුතු බව ක්රිකට් ලෝලීහු පවසති. මේ දැක්වෙන්නේ වනිඳු හසරංග කොළඹ කණ්ඩායමේ චාමික කරුණාරත්නට අතට අත නොදී ගිය ආකාරය සහ චමින්ද වාස්ට සැලකූ ආකාරයයි.
ඔහුගේ දැඩි අකමැත්ත හේතුවෙන් කණ්ඩායමෙන් හැලි ගිය කුසල් ජනිත් පෙරේරා පසුගිය දා එල්.පී.එල් ඉතිහාසයේ වේගවත්ම ශතකය වාර්තා කළේය. චාමික කරුණාරත්න කැපී පෙනෙන ක්රීඩා විලාශයක් පෙන්නුම් කළේය.
මේ වනවිට මෙම තේරිම් කමිටුව පත් කළ ක්රීඩා ඇමතිවරයාටත් පොදු ජන අප්රසාදය මතු වෙමින් තිබේ.
