ගුවන් තොටුපළේ ප්රභූ පර්යන්තය භාවිතා කිරීම සම්බන්ධයෙන් හිටපු පාර්ලිමේන්තු මන්ත්රී බැසිල් රාජපක්ෂට එරෙහිව එල්ල වී ඇති චෝදනා ප්රතික්ෂේප කරමින් ඕනෑම අයෙකුට අදාළ ගෙවීම සිදුකොට ප්රභූ පර්යන්තය භාවිතා කළ හැකි බව පොදු ජන පෙරමුණේ ලේකම් පාර්ලිමේන්තු මන්ත්රී, නීතිඥ සාගර කාරියවසම් පැවසුවේ.
එක් පුද්ගලයෙකු ඩොලර් 200ක් වන මුදල ගෙවූ පසු ඕනෑම අයෙකුට ප්රභූ පර්යන්තය භාවිතා කළ හැකි නිසා බැසිල් රාජපක්ෂ හා ඔහුගේ බිරිය දෙදෙනාට ගෙවිය යුතු ඩොලර් 400ක මුදල ගෙවමින් එම පර්යන්තය භාවිතා කළ බව ඔහු මාධ්යයට සඳහන් කළේය.
ඔවුන් පැමිණි අවස්ථාවේදී ඔවුන් පිළිගැනීමට පැමිණි මන්ත්රීවරුන් සිදු කළ සංග්රහය සඳහා රජයෙන් වියදම් දැරූ බවට සිදු කරන චෝදනාව ශ්රී ලංකාවේ කුහකත්වය හේතු කරගෙන නායකයින්ට අපහාස කිරීමට සිදු කරන පහත් පෙළේ චෝදනාවක් බව ඔහු පැවසීය.
“ආහාර පාන සඳහා වැය වුණු සියලු මුදල් ඒ ආයතනයට ගෙව්වා. අපිට බලය තිබුණත් නැතත් අපි කවදාවත් ජනතාවගේ මුදල් භාවිතා කරලා නෑ. ජනතාවගේ දේපළ අවභාවිතා කරලත් නෑ.. අපේ පක්ෂය පිරිසිදුව දේශපාලනය කරන්නේ.. අපිට මේ වගේ චෝදනා එල්ල කරන අය බලය තියෙද්දී ඒ වගේ දේවල් කරපු නිසා අපිත් එහෙම කරනවා කියලා හිතනවා ඇති..”
ඔහු වැඩිදුරටත් අදහස් දක්වමින් පැවසීය.
