දිනසේන රතුගමගේ –
ආර්ථික අපහසුතාවයන් නිසා මෙවර තෛපොංගල් උළෙල සැමරීමට නොහැකිව අසරණව සිටි පවුල් වලට යාපනයේ පිහිටි නියෝජ්ය ඉන්දීය මහ කොමසාරිස් කාර්යාලය මගින් පොංගල් කිරිබත් පිසිමට අවශ්ය ද්රව්ය හා මුදල් පරිත්යාගයක් ඊයේ ( 12 ) සිදු කළේය.
ඉන්දීය නියෝජ්ය මහ කොමසාරිස් සායී මුරලි විසින් යාපනයේ සුෂිපුරම් කලෙයිමගල් ක්රීඩාංගණයේදී මෙම ද්රව්ය ප්රදානය සිදු කරණු ලැබීය.
මේ අතර යාපනයේ අඩු ආදායම්ලාභී පවුල්වල සිසුන් 78කට පාසල් උපකරණ බෙදා දීමටද ඉන්දීය නියෝජ්ය මහ කොමසාරිස් කාර්යාලය පියවර ගෙන තිබුණි.
මෙම අවස්ථාවට සහභාගී වූ ඉන්දීය නියෝජ්ය මහ කොමසාරිස් සායී මුරලි පැවසුවේ තෛපොංගල් උළෙල ඉන්දියාවේත් ශ්රී ලංකාවේත් දෙමළ ජනයාගේ සුබ දවසක් නිසා ඉන්දියාවේ ජනතාවත් ශ්රී ලංකාවේ ජනතාවත් අතර මිතුරුදම වැඩි දියුණු කිරීම පිණිස මෙම අවස්ථාව සංවිධානය කළ බවය.
