ලලිත් චාමින්ද –
සිය මිතුරන් පිරිසක් සමග උණවටුන මුහුදු තිරයේ දිය නාමින් සිට රුසියානු ජාතික ඉංජිනේරුවරයක් ඊයේ (10) සවස දියේ ගිලී මියගොස් තිබේ.
මියගොස් ඇත්තේ niiaz sattarev (25) නමැති රුසියානු ජාතික තරුණ ඉංජිනේර වරයෙකි. ඔහු අවිවාහකයෙකු වන අතර තවත් මිතුරන් සිව් දෙනෙකු සමග ඉකුත් 04 වැනිදින මෙරටට පැමිණ ඇත.
උණවටුන ප්ර දේශයේ විලාඑකක රුසියානු ජාතිකයින් සිව් දෙනා නතර වි සිට තිබේ. මොවුන් සිව් දෙනා උණවටුණ මුහුදු තිරයේ දිය නාමින් සිටියදි තිදෙනෙකු රළපහරකට හසුවි ගසාගෙන ගොස් ඇත.
මුහුදේ ගසාගෙන යමින් සිටි තිදෙනාම බේරාගෙන වෙරළට ගෙන ඒමට දිය නාමින් සිටි පිරිස් සමත් වී ඇත. ඉංජිනේරුවාද බේරගෙන ගොඩට රැගෙන විත් තිබේ. ඒවනවිට අසාධ්ය තත්වයෙන් පසුවු රුසියානු ජාතික ඉංජිනේරුවරයා 1990 ගිලන් රථයකින් ගාල්ල කරාපිටිය ශික්ෂණ රෝහලට රැගෙන ගොස් ඇත. රෝහලේ ප්රතිකාර ලබමින් සිටියදි ඔහු මියගොස් ඇත.
මියගිය තැනැත්තාගේ හදිසි මරණ පරික්ෂණ ගාල්ල කරාපිටිය ශික්ෂණ රෝහලේ හදිසි මරණ පරික්ෂක චන්ද්ර සේන ලොකුගේ විසින් සිදුකළ අතර පශ්චාත් මරණ පරික්ෂණය විශේෂඥ අධිකරණ වෛද්ය නිලධාරි ජානකි වරුෂාහැන්නදි විසින් සිදුකරණු ලැබිය.
ඉදිරිපත්වු සාක්ෂි හා වෛද්ය වාර්තා සැලකිල්ලට ගත් මරණ පරික්ෂකවරයා දියේ ගිලිමෙන් මරණය වි ඇති බවට තින්දු කළේය.
