එක්සත් රාජධානියේ මහ මැතිවරණයෙන් කම්කරු පක්ෂය වෙනුවෙන් තරගකළ ශ්රී ලාංකික සම්භවයක් සහිත නීතිඥවරියකවන උමා කුමාරන් ඡන්ද 19,145 ක් ලබා ගනිමින් Stratford and Bow කොට්ඨාසයේ පාර්ලිමේන්තු මන්ත්රී ධූරයට තේරී පත් වූවාය.
නැගෙනහිර ලන්ඩනයේ උපන් උමා කුමරන්ගේ මූලයන් ඇත්තේ ශ්රී ලංකාවේ යාපනයේ ය. ඇගේ දෙමාපියන් දෙදෙනාම 80 දශකයේ ශ්රී ලංකාවේ සිවිල් යුද්ධයේදී ශ්රී ලංකාවෙන් පලා ගිය දෙමළ ජාතිකයෝ වෙති.
උමා කුමරන් කම්කරු පක්ෂයට බැඳීමට පෙර National Honor Society හි වෘත්තිකයන් සඳහා සේවය කළාය. ඇය ප්රථම වරට 2010 ලන්ඩනයේ හැරෝ හි පැවති පළාත් පාලන මැතිවරණයට කම්කරු පක්ෂයේ අපේක්ෂකයෙකු ලෙස තරඟ කළ නමුත් තේරී පත් නොවීය. 2015 පැවති මහ මැතිවරණයට ඇය හැරෝ නැගෙනහිර පළාත නියෝජනය කරමින් බ්රිතාන්ය මහ මැතිවරණයට ඉදිරිපත් වී ඡන්ද 19,911 ලබා ගත් නමුත් පාර්ලිමේන්තුවට තේරී පත් වුනේ නැත. එහෙත් මෙවර ඇය එම කඩඉම ජය ගත්තාය.
මෙවර මහා බ්රිතාන්යයේ මැතිවරණයට ශ්රි ලාංකික සම්භවයක් සහිත 06 දෙනෙක් තරග වැදුනහ. විශේෂත්වය වන්නේ එ් සියලු දෙනාම ද්රවිඩ ජාතිකයින් වීමය.
මේ හය දෙනා අතරින් මැතිවරණයේ ඉදිරියෙන්ම සිටියේ කාන්තා අපේක්ෂකයින් දෙදෙනා වන උමා කුමාරන් සහ ක්රිෂ්ණි රිෂිකරන් ය. ක්රිෂ්ණිත් උමා මෙන්ම නීතිඥවරියකි. උමා මෙන් නොව, ඇය ඉපදී තිබුණේ ලංකාවේය. හැදී වැඩී තිබුනේ එක්සත් ජනපදයේ ළමා නිවාසයක ය. එහෙත් ක්රිෂ්ණි පාර්ලිමේන්තුවට තේරී පත් වූයේ නැත.
කම්කරු පක්ෂය නියෝජනය කරමින් පාර්ලිමේන්තුවට පත්වූ උමා කුමරන් බ්රිතාන්ය ඉතිහාසයේ පළමුවරට පත් වූ ශ්රී ලාංකීක දෙමළ සම්භවයක් සහිත මන්ත්රීවරිය ය.
