මනම්පිටිය නිමල් ජයරත්න –
“කෘෂිකර්ම ඇමති නියරක යන්ඩ දන්න කෙනෙක් නෙමෙයි. ඔහු සමග කළ සෑම සාකච්ඡාවක්ම අසාර්ථ වුණා. සියයට සීයක් කාබනික ගොවිතැනක් ලෝකයේ කොහෙවත් නෑ. මා මේ පොහොර ප්රශ්නය ගැන නොයෙක් වර කතා කළා. මම කොච්චර මේ ආණ්ඩුව එක්ක කතා කළත් මේ ආණ්ඩුව මට ඇහුම්කන් දෙන්නේ නෑ. “ යි හිටපු ජනාධිපති මෛත්රීපාල සිරිසේන අද (31) බකමූණ නගර මධ්යයේ ගොවීන් විසින් සිදුකරන අඛණ්ඩ උපවාස අවස්ථාවට එක්ව ගොවීන් සමග සංවාදයේ යෙදෙමින් සඳහන් කළේය.
මොරගහකන්ද සහ ඇලහැර ගොවිජන ව්යාපාරයේ ගොවි සංවිධාන හතළිස් එකක ගොවීහු ඒකාබද්ධව රසායනික පොහොර ලබා දෙන ලෙසට බලකරමින් ඉකුත් 24 වෙනිදා අඛණ්ඩව උපවාසයක් ආරම්භ කළහ.
31 වෙනිදාට ගොවි උපවාසයට දින අටක් ගත් වූ පසු එම අවස්ථාවට එක්ව ගොවීන් සමග සංවාදයේ යෙදෙමින් මෛත්රීපාල සිරිසේන මෙසේ ද කීවේය.
“මම කීප වතාවක්ම කෘෂිකෘෂිකර්ම ඇමතිවරයා සමඟ ගොවියාගේ පොහොර ප්රශ්නය පිළිබඳව සාකච්ඡා කළා. නමුත් යහපත් ප්රතිචාරයක් ලැබුනේ නෑ. යම් යම් රාජ්ය අමාත්යවරුන් මට මඩ ප්රහාර ගහනවා. ගොවීන් මුහුණ දෙන ප්රශ්න නිසා මම කිව්වා පොලොන්නරුවට යන්න විදිහක් නෑ කියලා කියලා. ඒක පදනම් කර කරගෙන තමයි ඒ රාජ්ය අමාත්යවරු මට මඩ ප්රහාර ගහන්නේ. ඒවා මම ගණන් ගන්නෙ නෑ.“ හිටපු ජනපතිවරයා ගොවීන් සමග සංවාදයට එක්වෙමින් සඳහන් කළේය.
එහිදී ගොවීන් හිටපු ජනපතිවරයාගෙන් ප්රශ්න විමසීය.
“ ඔබතුමා නැවත බලයට පත් වුවහොත් ගොවීන් වෙනුවෙන් කරන්නෙ කුමක් ද?“
“ මා ගොවීන් අමාරුවේ දාන්නෙ නෑ.., කාබනික පොහොර භාවිතයෙන් වී ගොවිතැන් ක්රමානුකූලව වගා කිරීමට ගොවියා හුරු කරවනවා…“
“ලෝකයේ කිසිදු රටක් සීයට සීයක් කාබනික පොහොර භාවිතයෙන් ගොවිතැන් කරන්නෙ නෑ. ඕස්ට්රේලියාව පවා වගා කටයුතු කරන්න යොදන්නෙ කාබනික පොහොරවලින් සියයට 50ක ප්රතිශතයක්..“.
“මා ගොවීන් වෙනුවෙන් පෙනී සිටියේ 1980 දශකයේ සිටයි. ගොවීන් වස් බී මැරෙන අවස්ථාවක මා ගොවි ජනතාව වෙනුවෙන් මුලින්ම පොළොන්නරුවේ උද්ඝෝෂණ කළා. ඒ ගොවි උද්ඝෝෂණවලදි මා පළමුවරට මිනී පෙට්ටි වලට පවා කර ගැහුවා.“ හිටපු ජනපතිවරයා කීවේය.
