භාණ්ඩ මිලදී ගැනීම සඳහා පැමිණෙන පාරිභෝගිකයින්ට කොන්දේසි පැනවීමට කිසිසේත් හැකියාවක් නොමැති බව අධිකරණ අමාත්යංශයේ උපදේශක ජනාධිපති නීතිඥ යූ ආර් ද සිල්වා මහතා පවසයි.
ඔහු මේ බව කියා සිටියේ සහල් සහ සීනි සතොස මගින් මිලදී ගැනීමේදී එම භාණ්ඩ දෙක සමඟ තවත් භාණ්ඩ පහක් මිලදී ගත යුතු බවට වෙළඳ අමාත්ය බන්දුල ගුණවර්ධන මහතා පසුගියදා සිදු කළ ප්රකාශයට ප්රතිචාර දක්වමිනි.
එවන් අවස්ථාවක් උද්ගත වුවහොත් පාරිභෝගික අධිකාරියට පැමිණිලි කිරීමේ අවස්ථාව පවතින බවද ජනාධිපති නීතිඥවරයා අවධාරණය කර සිටී.
“රාජ්ය ආයතනයකට ගිය විට එම ආයතනයෙන් කියනවා නම්, වෙළඳාම් කරන්න පුළුවන් වෙන්නේ මේ භාණ්ඩ ගත්තොත් පමණයි, තමන්ට අවශ්ය භාණ්ඩ ලබා දෙන්න කියලා, ඒක සම්පූර්ණයෙන්ම වැරදි ක්රියාවක්. ඒක නීතියට පටහැනියි. පාරිභෝගික ආරක්ෂණ පනතේ 12 වැනි වගන්තියේ පැහැදිලිව සඳහන් කර තිබෙනවා වෙළෙඳ ආයතනයේ ඒ භාණ්ඩ තමන් සතුව තිබෙනවා නම් ඒ අය එන පාරිභෝගිකයාගේ අවශ්යතාවය මත පාරිභෝගිකයාට ඒ ලබාදී යුතුයි. ඒ අයට කියන්න බැහැ ඒක දෙන්න බෑ ආයතනයෙන් තවත් භාණ්ඩ ගන්න ඒ පුද්ගලයාට අනවශ්ය භාණ්ඩ ලබා ගත්තොත් පමණයි එක දෙන්න පුළුවන් කියන එක කිසිසේත් කියන්න බෑ. ඒක නීතියට පටහැනි දෙයක්.
එයට විරුද්ධව ක්රියා කිරීමේ හැකියාව තිබෙනවා. එවැනි තත්වයක් උද්ගත වෙලා තිබෙනවා නම් පාරිභෝගික කටයුතු ආරක්ෂණ අධිකාරියට දැනුම් දීලා ඒ සම්බන්ධයෙන් ක්රියාත්මක වෙන්න ඉඩ දෙන්න ඕන. පාරිභෝගික අධිකාරිය වහාම ඒ ස්ථානයට ගිහිල්ලා වහාම ඒ පිළිබඳ සොයා බලා ඒ අදාල පුද්ගලයින් අත්අඩංගුවට ගන්න සහ එවැනි ආකාරයට ක්රියා නොකිරීම සම්බන්ධයෙන් ඔවුන්ට දැඩි සේ අවවාද කරල කටයුතු කරන්න හැකියාව තියෙනවා” යැයි ද ජනාධිපති නීතිඥ යූ ආර් ද සිල්වා මහතා වැඩිදුරටත් කීය.
