-
ආහාර හිඟයෙ කතාව මැව්වෙ රසායනික පොහොර සමාගමකින් පඩි ගන්න පේරාදෙණිය විශ්විද්යාලයේ මහාචාර්ය වරයා….
මේ රටේ ආහාර හිඟයක් ඇතිවන බවට වැරදි මතයක් සමාජගත කිරීමට ඇතැම් විශ්ව විද්යාල ආචාර්යවරු කටයුතු කරමින් සිටින බව කෘෂිකර්ම ඇමැති මහින්දානන්ද අලුත්ගමගේ පවසයි.
ජනතාව මේ වන විට බුක්ති විඳිමින් සිටින්නේ පසුගිය යල කන්නයේ වී අස්වනු බවත් මහ කන්නයේ අස්වැන්න ඉදිරියේදී නෙළීමට ඇති බැවින් ආහාර හිඟයකට කිසිදු ඉඩක් නොමැති බවත් ඔහු කියයි.
මහනුවර මහවැලි රීච් හෝටලයේදී , ඊයේ (29) පැවැති උත්සවයකදී ඇමැතිවරයා මේ බව ප්රකාශ කළේය.
රසායනික පොහොර සමාගමක අධ්යක්ෂ ධූරයක් හොබවන පේරාදෙණිය විශ්ව විද්යාලයේ ආචාර්යවරයෙකු රටේ ආහාර හිඟයක් ඇතිවන බවට ප්රකාශ කළ බවත් එවැනි ආහාර හිඟයක් ඇති නොවන බව වගකීමෙන් යුතුව ප්රකාශ කරන බවත් හෙතෙම අවධාරණය කළේය.
එහිදී මහින්දානන්ද අලුත්ගමගේ මෙසේද පැවසුවේය.
“ජනපති ගෝඨාභය රාජපක්ෂ මහතාට මාස 20 ක්ම රට පාලනය කරන්නේ වුණේ කොවිඩ් වංසගතයත් එක්කයි. සමාජ මාධ්ය බොහොමයක් බැලුවම හරියට කොවිඩ් හැදිලා තියෙන්නේ ලංකාවේ විතරයි වගේ පේන්නේ. මේ අය ළිඳේ ඉන්න මැඩියෝ වගෙයි. ලෝකයේ අනිත් රටවල කොවිඩ් හැදුණු ලෙඩ්ඩු නෑ වගේ තමයි මොවුන් හැසිරෙන්නේ. “
“ලෝක ආර්ථික අර්බුදයකට අපි මුහුණ දීලා ඉන්නේ. ජනපතිවරයාගේ මූලික අරමුණු වුණේ සියල්ල පැත්තකට දමා ජනතාව ජීවත් කරවීමයි. අපේ රටේ ජනගහණය මිලියන 22 යි. සෞඛ්ය අංශ දැනුම්වත් කරලා තියෙන්නේ අවුරුදු 16 ට වැඩි අය එන්නත් කරන්න කියලයි. එම වයසේ පසුවන මිලියන 16 ක් ඉන්නවා. මේ අයට 100% ක් පළමු එන්නත් ලබාදී අවසන්. දෙවන එන්නත 85% ක් දීලා ඉවරයි. තුන්වන එන්නත ලක්ෂ 55 කට දුන්නා .තව ටික කාලයක් යනවිට එන්නත් තුනම ජනගහණයෙන් 85% කට ලබාදුන් ලෝකයේ එකම රට බවට ශ්රී ලංකාව පත්වෙනවා.“
දැන් මරණ සංඛ්යාව අඩුයි. නොමැරී ජීවත් වීම තමයි වැදගත්ම දේ. මහින්ද රාජපක්ෂ මහතා වසර 30 ක යුද්ධය අවසන් කරලා මේ රටේ ත්රස්තවාදී බිය, බෝම්බ බිය නැතිකළා. ඒ වගේම ගෝඨාභය රාජපක්ෂ ජනපතිවරයා කොරෝනා මර බියෙන් ජනතාව මුදා ගත්තා. ආණ්ඩුවක් හැටියට අපිට යම් අභියෝග වලට මුහුණ දෙන්න සිදුවුණා. මිනිස්සුන්ට ජීවත් වෙන්න අමාරුයි. බඩු මිල වැඩියි. කොවිඩ් වලට කලින් පරිප්පු කන්ටේනර් එක්ක ලංකාවට ගෙන්වන්න ගියේ ඩොලර් 600 යි. කොවිඩ් එකට පස්සේ 2400 ක් යනවා. සියයට හාරසීයකින් නැව් ගාස්තු බඩු මිල ඉහළ ගිහින්. ලෝක වෙළෙඳ පොළේ තෙල් මිල ඉහළ ගහින්. පසුගිය ආණ්ඩුව කාලේ තෙල් බැරල් එකක් ඩොලර් 19 යි. අද ඩොලර් 100 යි. මේ සියල්ලත් එක්ක ලෝක ආර්ථික අර්බුදයක් ඇති වෙලා.
එන්නත්කරණය නිසා සියල්ල අපට යම් ප්රමාණයකට පාලනය කරගන්න හැකිවී තිබෙනවා. තව මාස කිහිපයකදී බඩු මිල අඩු කරලා ජනතාවට දුන්න පොරොන්දු ඉටු කරන්න පුළුවන්.
මේ රටේ ආහාර හිඟයක් ඇති වෙනවා කියලා විශ්ව විද්යාල ආචාර්යවරු කිව්වා. ගොවියෝ කිව්වා. පේරාදෙණිය විශ්ව විද්යාලයේ ඉන්නවා රසායනික පොහොර සමාගමක අධ්යක්ෂවරයෙක්. ඒ මහචාර්යවරයා ඇවිත් කිව්වා රටේ ආහාර හිඟයක් ඇති වෙනවා කියලා.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
කිසිම අහාර හිඟයක් එන්නේ නැහැ. තාම මේ රටේ මිනිස්සු කන්නේ ගිය කන්නේ අස්වැනෙන් ලබාගත් වී ටිකයි. මහකන්නයේ අස්වැන්න නෙළන්න තිබෙනවා. නිෂ්පාදනයේ අඩුපාඩු තිබුණත් ආහාර හිඟයක් ඇති වෙන්නේ නැහැ. මේවා සමාජ මාධ්ය මගින් හදන මතයි. සංචාරක ව්යාපාරය යම් ප්රවර්ධනයක් ඇති වෙලා. ආර්ථිකය හෙමින් හෙමින් දැන් යහපත් අතට පත් වෙමින් තිබෙනවා.
