චීන තරුණ ප්රජාව විවාහය, පෙම් සබඳතාව සහ දරුවන් බිහිකිරීම සම්බන්ධයෙන් දරන්නා වූ ආකල්පය චීන රජයේ දැඩි කනස්සල්ලට කරුණක් වී ඇති බව ඒෂියා ටයිම්ස් වාර්තා කරයි.
ඒ අනුව මෙම තත්ත්වය චීනයේ ඉදිරි ආර්ථික සහ ශ්රම බලකාය සම්බන්ධයෙන් දැඩි අවිනිෂ්චිත බවක් නිර්මාණය කිරීමට සමත්ව ඇති බවද එරට නවතම දත්ත වාර්තා පෙන්වා දෙයි.
මීට පෙර ජූනි 15 වන දින ජාතික සංඛ්යාලේඛන කාර්යාංශයේ ප්රකාශක ෆූ ලින්ග්හුයි පැවසුවේ වයස අවුරුදු 16 සහ 24 අතර පුද්ගලයින් මිලියන හයක් තවමත් රැකියා සොයමින් සිටින බවයි. මීට අමතරව, නව උපාධිධාරීන් මිලියන 11.6 ක් පමණ සිටින අතර, ඔවුන් ඉක්මනින් රැකියා වෙළඳපොළට පිවිසෙනු ඇති බවත්ය.
ඒෂියා ටයිම්ස් පුවත්පතට අනුව, අදාල දත්ත සඳහා සැලකිල්ලට ගෙන ඇති වයස අවුරුදු 24 දක්වා පමණක් වූ පිරිස වුද පමණි, නමුත් වසර අවුදරු 30 ඉක්මවූ විශාල පිරිසක්ද තවමත් අස්ථාවර ආදායම් මට්ටම් හේතුවෙන් විශාල වශයෙන් පීඩා විඳිති.
මේ අතර අදාල තරුණ පිරිසෙන් ඇතමෙක් තමන්ට නැත හතරක් ඇති පිරිස ලෙස හඳුන්වයි. එනම් ඔවුන් ආලය කිරීම, විවාහ වීම, නිවසක් මිලදී ගැනීම හා දරුවන් වැදීමට අදහසක් නැත යන පිරිස් ලෙසින් හදුන්වනු ලබවයි.
මෙම නැත හතරක් ඇති පිරිස් යනු අද වන විට චීනය තුල ඉතා ඉහළ ප්රවනතාවයක් ඇති ජීවන රටාවක් බවට පත්ව ඇති අතර ඔවුන්ට අන්තර්ජාලය පුරාද දැඩි ධනාත්මක ප්රතිචාරයක් ලැබෙමින් පවතී. මේ අතර මෑතකදී සම්මුඛ සාකච්ඡාවකට එක්වෙමින් 30 හැවිරිදි පුද්ගලයෙකු පැවසුවේ “බොහෝ අය තමන්ගේ සහකරු නිවාස හිමියන් වනු ඇතැයි අපේක්ෂා කරනවා ඒත් අද වන විට දේපල මිල ඉතා ඉහළ ගිහින් තිබෙනවා.“ යනුවෙනි.
ඒ අනුව අදවන විට බොහොමයක් තරුණ පිරිස් අනවශ්ය මූල්ය ගැටලු වලට මැදිහත් නොවී තනිකඩ ජීවිතයක් ගතකිරීමටත් නිදහස් මනසත් සහිතව කාලය ගත කිරීමටත් වැඩි කැමැත්තක් දක්වන බවට පෙනි යන බවද චීන මාධ්ය වාර්තා සඳහන් කරයි.
