ආණ්ඩුවේ මැති ඇමැතිවරුන්ගෙන් විපක්ෂ මන්ත්රීවරුන්ට සිදුවන තර්ජන පිළිබඳවත්, විපක්ෂ මන්ත්රීවරුන්ගේ ආරක්ෂාව තහවුරු කිරීම සදහා මැදහත් වීමක් අවශ්යතාවයත් දන්වමින් විපක්ෂයේ ප්රධාන සංවිධායකවරයා අන්තර් පාර්ලිමේන්තු සංගමයට සහ පොදු රාජ්ය මණ්ඩයීය පාර්ලිමේන්තු සංගමයට ලිඛිත දැන්වීමක් කර ඇතැයි වාර්තා වේ.
පසුගිය සිකුරාදා සවස මනුෂ නානායක්කාර මන්ත්රීවරයාට කාලය ලබා දීම සම්බන්ධව පැන නැගුණු ගැටලුවෙ දී ධීවර රාජ්ය ඇමති කාංචන විජේසේකර විසින් ඔහුට පහර දීමට පැමිණ තල්ලු කිරීමත් ආණ්ඩු පක්ෂයේ ප්රධාන සංවිධායකවරයා කුණු හරපයෙන් බැණ වැදී තර්ජනය කිරීම හා කාංචන විජේසේකර රාජ්ය ඇමතිවරයා සම්බන්ධව පාර්ලිමේන්තුවේ කළ ප්රකාශයකින් පසුව විපක්ෂයේ ලොබියට පැමිණි ආණ්ඩු පක්ෂයේ මන්ත්රීවරුන් මනුෂ නානායක්කාරට පහර දීමට සූදානම් වීමත් සම්බන්ධව විරෝධතාවය ප්රකාශ කරමින් ඊයේ සජබ මන්ත්රීවරු අයවැය විවාදයෙන් ඉවත් වී විරෝධතාවයක් ආරම්භ කළහ.
කතානායකවරයා ඊයේ උදේ ප්රකාශ කලේ පක්ෂ විපක්ෂ මන්ත්රීවරුන්ගෙන් සමන්විත කමිටුවක් මේ සිද්ධිය සොයා බැලීමට පත්කරන බවය. ඒ සම්බන්ධව අදහස් දැක්වූ ජාතික ජන බලවේගයේ පාර්ලිමේන්තු මන්ත්රී අනුර කුමාර දිසානායක කීවේ මේ කමිටු පත්කරමින් කල් මැරිය යුතු කාරණාවක් නොව, කතානායකවරයා විසින් තමන්ගේ බලය හා අධිකාරිය යොදවා ලබා ගත යුතු නිශ්චිත තීන්දුවක් බවය.
පාර්ලිමේන්තුවේ දී අද (07) අදහස් දැක්වූ එජාප නායක රනිල් වික්රමසිංහත් කතානායකවරයාගෙන් ඉල්ලීමක් කරමින් ඊයේ අනුර කුමාර දිසානායක මන්ත්රීවරයා කළ ඉල්ලීමට තමන් සපුරා එකඟ බවය.
කතානායකවරයා ලෙස වහාම මැදිහත් වී එම ප්රශ්නය නිරාකරණය කරන ලෙසත්, මුදල් අමාත්යාංශයේ වැය ශීර්ෂය සම්බන්ධ විවාදයට විපක්ෂ කණ්ඩායම සහභාගී කරවා ගැනීම අතිශය වැදගත් බවත් රනිල් වික්රමසිංහ පෙන්වා දුන්නේය.
