හම්බන්තොට දිස්ත්රික්කයේ බෙලිඅත්ත ආසනයෙන් 1947 පළමුවරට පාර්ලිමේන්තුවට තේරී පත් ව මෙරට දේශපාලනයේ ඓතිහාසික පවුල් පරම්පරාවක් බිහි කළ දොන් අල්වින් රාජපක්ෂ මහතාගේ දරු පරම්පරාවේ හය දෙනෙක් අලුතකින් පත්වන නව රජය නියෝජනය කිරීම විශේෂත්වයකි.
ජනාධිපති ගෝඨාභය රාජපක්ෂ මහතාට අමතරව මෙවර පාර්ලිමේන්තු මහ මැතිවරණයෙන් තේරී පත් වූ අග්රාමාත්ය මහින්ද රාජපක්ෂ ඔහුගේ පුත් නාමල් රාජපක්ෂ, චමල් රාජපක්ෂ මහතා ඔහුගේ පුතු ශෂීන්ද්ර රාජපක්ෂ සහ රාජපක්ෂ පවුලේ සහෝදරියක වූ අභාවප්රාප්ත ගාන්ධිනී රාජපක්ෂ රණවක මහත්මියගේ පුත් නිපුණ රණවක මේ සය දෙනාය.
මෙවර මහමැතිවරණයෙන් ඔවුන් අතරින් එකම දිස්ත්රික්කයකට ත රගකළේ නාමල් සහ චමල් පමණි. මහින්ද රාජපක්ෂ මහතා කුරුණෑගලින්ද ශෂීන්ද්ර රාජපක්ෂ මොණරාගලින්ද පැමිණි අතර නිපුණ රණවක මාතරින් පාර්ලිමේන්තුවට තේරී පත් විය.ඔවුන් අතරින් මහින්ද, නාමල්, ශෂීන්ද්ර සහ නිපුණ රණවක දිස්ත්රික් මනාප ලයිස්තුවල මුල් තැන රැක ගන්නටද සමත් වීම විශෙෂත්වයකි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
