ජනාධිපතිවරයා විසින් විපක්ෂයේ සහ ආණ්ඩු පක්ෂයේ ඇතැම් මන්ත්රීවරුන්ට නව කැබිනට් සංශෝධණයක් සම්බන්ධව අවස්ථා හයකට වඩා වැඩි වාර ගණනක දී පොරොන්දු ලබා දී තිබුණද එවැනි අවස්ථාවකට යෑම අයි.එම්.එෆ් ඊලඟ ණය වාරිකයට බලපානු ඇති බවට සිදුකළ පුරෝකථන හේතුවෙන් එය සිදු නොවනු ඇති බව මේ වනවිට ආණ්ඩුව පාර්ශවයෙන් මත පල වෙමින් තිබේ.
රටේ ආර්ථිකය සම්බන්ධව වගකීම් දරන අති මහත් බහුතරයක් වූ විද්වතුන්ගේ මතය වී තිබුණේ ද මේ අවස්ථාවේ කැබිනට් මණ්ඩලය සහ ඇමති ධූර වැඩි කරගෙන රාජ්ය වියදම වැඩි කරගැනීම කිසිසේතම ඥානාන්විත නොවනු ඇති බවය.
එමෙන්ම මේ වනවිට ජනතා අප්රසාදයට පත් වී සිටින දේශපාලන නායකයින් පොහොට්ටුවේ ඉල්ලීම මත කැබිනට් ඇමති තනතුරුවලට පත් කිරීමේ කිසිම ඵලදායී ප්රතිඵලයක් අත් නොකරගනු ඇතිබව ද ජනාධිපතිවරයාට සමීප දේශපාලන ආරංචි මාර්ග පෙන්වා දෙයි.
ඒ අනුව කැබිනට් අමාත්ය ධූර අපේක්ෂාවෙන් සිටින විපක්ෂයේ සමහර මන්ත්රීවරුන්ට මෙන්ම පොදු ජන පෙරමුණේ මන්ත්රීවරුන්ට තව සෑහෙන කාලයක් බලා සිටින්නට සිදුවනු ඇති බව එම ආරංචි මාර්ග හෙළි කරයි.
