ඊයේ (30) නුවර පැමිණි අයවැයට පෙර දළදා වැඳ මල්වතු අස්ගිරි මහා නායකය හිමිවරුන් බැහැ දැකීමට ගිය මුදල් අමාත්ය බැසිල් රාජපක්ෂගෙන් අයවැයෙන් පසුව හෝ මිනිස්සුන්ගෙන් බැනුම් අසන්නේ නැතිව ඉන්නට හැකි වෙත්දැයි අස්ගිරි නා හිමියෝ විමසූ බව වාර්තා වේ.
අස්ගිරි නා හිමියන් බැහැ දැක කළ සාකච්ඡාවේ දී වැඩි වශයෙන් කොවිඩ් වසංගතය පාලනය කර ඇති ආකාරය විස්තර කිරීමට මුදල් ඇමතිවරයා කටයුතු කර ඇත. ඒ සඳහා රජය දරන විශාල වියදම පිළිබඳව ඔහු අස්ගිරි නා හිමිට පෙන්වා දී තිබේ. උන්වහන්සේ රටේ උද්ගත වී ඇති තත්වය විමසූ විට මුදල් ඇමතිවරයා කියා ඇත්තේ එන ආකාරයට මුහුණ දෙන බවය.
“එන විදිහටකට මුහුණ දෙන්න ඕන අපේ හාමුදුරුවනේ. ආර්ථිය ශක්තිමක් කරගන්න තීරණ ගන්න වෙනවා. ඒ තීරණ ගන්නෙම රටට අගතියක් වෙන්නෙ නෑ කියලා හිතලා. “
“අයවැයෙන් පස්සෙවත් මිනිස්සු බනින එක ටිකක් නවතී ද?. “ අස්ගිරි නා හිමියෝ විමසා තිබුණහ.
“ජනතාවට සහන දෙන අයවැයක් තමයි මේ පාර ඉදිරිපත් කරන්න බලාපොරොත්තු වෙන්නේ. ඒ වගේම ගුරුවරුන්ගෙ වැටුප් ප්රශ්නයට විසඳුමක් ලබා දෙන්න අවශ්ය වෙනවා. ඖෂධවලට යන පිරිවැය ඉතාම වැඩි නිසා තමයි අපට යම් තීන්දු ශක්තිමත්ව ගන්න බැරි වෙලා තිබෙන්නෙ. “. මුදල් ඇමතිවරයා කීවේය. මල්වතු නා හිමියන් හමුව කෙටියෙන් හමාර කර තිබිණි.
තවත් වැදගත් සිද්ධියක් වන්නේ නාහිමිවරුන් හමුවීමෙන් පසු මුදල් ඇමතිවරයා මාධ්ය හමුවීම ප්රතික්ෂේප කිරීමය.
අමාත්යවරයා ඇතුළු වූ වහාම මහ පන්සල්වල දොරවල් අගුලු දැමූ මුදල් අමාත්යවරයාගේ ආරක්ෂක අංශ කිසිම මාධ්යවේදියෙක් ඇතුලු කර නොගන්නා ලෙස ඇමතිතුමා දැනුම් දුන් බව මාධ්යවේදීන්ට දැන්වූයේය.
මල්වතු අස්ගිරි නා හිමිවරුන් බැහැදැකීමට පෙර දළදා මාළිගා පරිශ්රයට ඔහු ඇතුළුවන අතර වදෙන් පොරෙන් ඔහුට කිට්ටු වූ මාධ්යවේදීන් නොතකා ඔවුන් ඇසූ ප්රශ්නවලට පිළිතුරු දුන්නේ ඔවුන්ව ගණනකට නොගනිමිනි. වදෙන් පොරෙන් කීප දෙනෙක් ප්රශ්නයක් දෙකක් අසූහ.
යුගදනවි විදුලි බලාගාරය සම්බන්දව පක්ෂ 11 ක් පැවැත්වු සාකච්ඡාව පිළිබඳව ඔබ තුමා මොකද හිතන්නේ?
“තවම ඒ ගැන කල්පනා කර බැලුවෙ නෑ.
අයවැයට කලින්ද ඔබතුමා දළදා වඳින්න ආවේ.
“ රටේ ජනතාව වෙනුවෙන් ඉදිරිපත් කරනු ලබන අයවැයට ප්රථම දළදා වහන්සේගේ ආශිර්වාද ලබා ගන්න ආවේ. රටටත් ජනතාවටත් හොද අයවැයක් ඉදිරිපත් කිරිමට වාසනාව ඇතිවෙයි කියලා හිතනවා.“
“මහජන බැංකුව බ්ලැක් ලිස්ට්කරලා නේද ඇමතිතුමා.“
“ඒ සම්බන්දව තවම මට දන්වලා නෑ.“
එසේ කියමින් පිටව ගිය මුදල් ඇමතිවරයා නා හිමිවරුන් හමුවීමට යන අවස්ථාවේ දී කිසිම මාධ්යවේදියෙකුට ඇතුළට පැමිණීමට අවසර නෙදෙන සේ දන්වා තිබිණි.
