තමන්ට පාර්ලිමේන්තුවට එන්නට ආරක්ෂාව ලබා දෙන ලෙසත් උද්ඝෝෂණ කරුවන් ලඟට ගිය අනුර කුමාර දිසානායකගේ වාහනයට හෙල්මට් කරුවෙක් නැග්ග බවත් පොදුජන පෙරමුණ මන්ත්රී තිස්ස කුට්ටිආරචිච් විසින් පාර්ලිමේන්තුවේදී ප්රකාශ කිරීමත් සමග විශාල සංවාදයක් ඇති විය.
“උද්ඝෝෂණ කරුවා ලඟට ගිය අනුර දිසානායකගෙ වාහනයට නැග්ග හෙල්මට් එකක් දාපු කෙනෙක් ඇතුළට නැග්ගා. අපට ආරක්ෂාව සපයන්න…“ තිස්ස කුට්ටිආරච්චි මන්ත්රීවරයා කීවේය.
ඊට පිළිතුරක් දෙන්නට විජිත හේරත් මන්ත්රීවරයා නැගී සිටියේ හතර අතින් මතුවන බාධාකිරීම් මැදය.
“ඊයේ සිදුවීම මේ පාර්ලිමේන්තුවෙන් ඉවත් වුනා. ඉවත්වෙන්න ගේට්ටු දෙකක් තියනවා. ජයන්තිපුර පැත්තෙ දෙකක් තියනවා. මාදිවෙල පැත්තෙ තව ගේට්ටුවක් තියනවා.“
“අනුර දිසානායක මන්ත්රීතුමා ජීවත්වෙන ගෙදර තියෙන්නෙ මාදිවෙල එහාපැත්තෙ. ඒ නිසා මේ පස්ස දොරෙන් පිටවෙලා ගියා නෙමෙයි. ඒක තමයි පාර්ලිමේන්තුවට එන්න යන්න තියන නිවැරදි ගේට්ටුව. එතනින් පිටත් වෙලා යද්දි පිරිසක් ඔහු අසලට ආවා. ඔහු ජනතාවට කිව්වා හොරාකාපු දේපල පවරා ගන්න ඕන කියලා. ගහන්න ඕන කිව්වෙ නෑ.
“හෙල්මට් එකක් දාගෙන ආවා තමයි. ඒ අපේ පක්ෂයෙ සාමාජිකයෙක්. අනුර දිසානායක මන්ත්රීවයාගෙ ආරක්ෂාවට ඒ ගේට්ටුවෙන් එළියට එනකොට වාහනයට නැග්ගා. ‘“
හෙල්මට් එකක් දමාගෙන ආරක්ෂාවට කැබ් රථයකට නගින අවස්තාවක් මින් පෙර කවදාවත් දැක නැති බව කියමින් ආණ්ඩු පක්ෂ මන්ත්රීවරු පිරිසක් කෑ ගසන්නට වූහ. ඒ අවස්ථාවේදී පිළිතුරු දීමට අනුර කුමාර දිසානායක මන්ත්රීවරයා නැගී සිටියේය.
“හෙල්මට් එකක් සහිතව මගෙ වාහනයට නැග්ගෙ කවුද?. ස්වේච්චාවෙන් අපි අපේ ආරක්ෂාව තහවුරු කරගෙන තිබෙනවා. ඔයගොල්ලො හිතනව ද අපි නිදැල්ලෙ පාරෙ යනවා කියලා. මිනී මැරීමට වගකිවයුතු මිනිහෙක් මහ පුටුවෙ තියාගෙන අපි නිදැල්ලෙ පාරේ යන්නෙ නෑ
මම වාහනේ යන හැම වෙලාවෙම අපේ පක්ෂයෙ සහෝදරවරු ගණනාවක් අවට ඉඳගෙන ආරක්ෂාව සපයනවා. ඒක තමයි අපේ පක්ෂයෙ වැඩේ. ඔයගොල්ල හිතනවද නිකම් මෝඩකමට බෙල්ල දෙන්න යන්නෙ නෑ…
