ලලිත් චාමින්ද –
කොරෝනා වසංගත සමයේ දීත් සමස්ථයක් ලෙස මුළු කාල වකවානුව පුරාමත් සුවිශේෂිවු කාර්යභාරයක් ඉටකරනු ලැබු 1990 සුවසැරිය පදනම සඳහා රජය මගින් ලබාදෙන මුල්ය ප්රතිපාදන අඩුකිරිමට පියවරගැනිම නිසා පදනමේ අඛන්ඩ පැවැත්මට එය සෘජුව බලපෑමට හැකි බව ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.
2019 වර්ෂයේ දි රජය විසින් සුවසැරිය පදනමට ලබාදුන් මුල්ය ප්රතිපාදනය 2021 වර්ෂයේත් 2022 හා 2023 වර්ෂවලත්දි පිළිවෙළින් 25%, 50%,සහ 75% දක්වා අඩුකිරීමට 2019 වර්ෂයේ අගෝස්තු මස 19 වැනිදින අමාත්ය මණ්ඩලය විසින් තීන්දුකොට තිබුණි.
මුල්ය ප්රතිපාදන අඩුකිරීමෙන් පසුව පදනම පවත්වාගෙන යාම සඳහා යෝජනාවක් ඉදිරිපත් කරන ලෙස දන්වා තිබුනද 2021 වර්ෂයේ නොවැම්බර්මස 30 වැනි දින වනවිටත් එවැනි යෝජනාවක් ඉදිරිපත්කර නොතිබු බව විගණනය මගින් අනාවරණය කොට ඇත.
සුවසැරිය පදනමේ වගන්ති ප්රකාරව මෙහෙයුම් කටයුතු සදහා වැයවන පුනරාවර්තන වියදම් රජය විසින් ප්රතිපුරණය කළයුතුය.
2020 වර්ෂයේ ජනවාරි මස 01 වැනි දින වනවිට රජය විසින් සුවසැරිය පදනමට ප්රතිපුරණය කළ යුතු රුපියල් 337,179.826ක ( තිස් තුන් කෝටි, හැත්තෑ එක් ලක්ෂ හැත්තෑ නව දහස්, අටසිය විසි හයක) මුදලක් ප්රතිපුරණය කොට නොතිබුණි.
2020 වර්ෂය තුළ ප්රතිපුරණය කර නොතිබු මුළු මුදල රුපියල් 405,224,284ක් ( හතලිස් කෝටි, පනස් දෙලක්ෂ, විසි හතර දහස් දෙසීය අසූ හතරක්) බවද විගණන වාර්තාවේ සඳහන් වේ.
මේ සම්බන්ධයෙන් වගකිව යුතු පාර්ශවයන් සමග සාකච්ඡාකොට ආයතනය බාධාවකින් තොරව පවත්වාගෙන යාම සදහා සුදුසු යාන්ත්රණයක් සකස් කළ යුතු බව විගණනය මගින් නිර්දේශකොට ඇත.
